包龍星點心專家

营业中

休息中

今日去接小朋友放学，听啲妈妈朋友介绍学校附近有间买点心嘅舖头，菠萝包仔入边真系有菠萝，我带小朋友一齐去买下午茶，点知见到佢入边啲嘢食真系好抵食，冻包都只系12-13蚊到一盒，买定几盒呢几日做早餐。菠萝包仔除咗真系有菠萝粒，仲有奶黄馅，外皮脆脆地入边甜甜地，小朋友最爱。其他点心都一样出色，而且款款都大大粒，烧卖每粒都有大大只虾，咸水角同埋煎堆外面烟烟韧韧，入边唔会太甜，当下午茶食真系好满足。萝卜糕分量十足，每一啖都食到萝卜丝，蒸饭更加系大碗夹抵食，我见到碗饭超级满，味道仲要唔错，最重要系真系好平啊！我买咗几份冻包，紫薯包同埋流沙包，入边都唔会太甜，做小朋友早餐啱啱好，不过最唔估唔到系我贪得意买咗一份章鱼鸡粒，夜晚就咁蒸嚟食，估唔到超级好食，章鱼好惹味，我觉得一盒两个人食啱啱好，用嚟送饭非常精彩。