口麻天辣

营业中

休息中

🥘香浓麻辣汤麻辣烫呢个系好浓好辣既汤底！味道好咸香，但系食得太多都会好咸好辣！佢个味道好浓，我哋叫嘅手工面都挂满咗汤汁！呢个绝对系重口味人士之选！ 🥩麻辣牛展牛展煮得好软，好入味! 佢个酱汁唔算太油，食落去真系好香好好味! 🍮彩虹冰粉呢一个系一个必叫嘅甜品！就咁睇视觉上嘅效果已经好吸引，好适合打卡啊个彩虹样！佢个冰粉好清甜好冻，上面铺咗红豆，黑芝麻，酒糟，提子干，同埋小丸子加上香脆嘅花生碎，无论味道同口感都好丰富！暂时系我食过咁多个冰粉入边最好食嘅一间！有惊喜！ 必点！🥓黄金脆炸小酥肉份量好足够，亦都好香脆，但系上菜嘅时候放凉咗。我攞咗呢一个炸小酥肉去浸一浸 D热既麻辣汤食，即刻好食左！ 🫔红糖糍粑呢一度嘅红糖糍粑真系炸得好好味！平时去大陆食过嘅红糖糍粑都比较幼细，好似薯条咁粗，但系呢一度嘅红糖糍粑真系好大嚿，好粗，口感一流！佢炸得好好，外脆内软，糍粑软糯度非常适中！再裹满咗好香嘅热红糖酱，真系好好食！