影片
更多
2009-09-16
156 浏览
庆祝活动停不了，今次轮到屋企人今次黎到凤城酒家点解会拣呢到呢?只因为我要食佢嘅西米焗布丁无错，曾经一度傻嘅我只系谂住食一个布丁就走了不过好快我又正常返不如约埋屋企人黎食啦啦啦就系咁，约咗差不多一个月每次回娘家都讲一次佢地终于无端端陪我癫因为到出黎个一刻佢地仲为咗我嘅疯言疯语单打我呢疯言疯语咪就系只系食一个布丁啰哈哈哈哈哈哈哈，笑到肚痛乳猪海蜇妹妹要食乳猪，问服务姐姐细乳猪几钱服务姐姐话 : 细乳猪唔够你地食架，你地叫例牌啦咁例牌几钱呀?佢话$140咁加埋海蜇垫底呢?都系$140呀，你要咪帮你加啰豆豉炒油麦菜问佢点炒油麦菜?服务姐姐都未答，我个脑急转湾问 : 你有无豆豉鲮鱼炒油麦菜呀?服务姐姐答我有黎到都无豆豉鲮鱼嘅同埋个啲都唔系豆豉啰服务哥哥话 : 我地都无豆豉鲮鱼佢讲得好鬼搅笑架咕噜虾球一上到枱，个阵酸味直上大脑，攻鼻，攻喉，攻肺抢到要慢慢呼吸，稍为习惯了，就夹一件虾喇第一口咬落去时，阵酸味抢喉差啲哮喘噫!!!咁似鱼嘅?再咬真啲，噫!!!真系鱼㖞问服务姐姐写单时，写鱼定虾服务姐姐话写虾㖞再咬多次睇下啲纹噫!!!系虾㖞咁点解我食第一,二次嘅时候感觉系鱼呢?唔通阵味酸到混淆咗?问妈咪点解
今次黎到凤城酒家
点解会拣呢到呢?
只因为我要食佢嘅西米焗布丁
无错，曾经一度傻嘅我
只系谂住食一个布丁就走了
不过好快我又正常返
不如约埋屋企人黎食啦啦啦
就系咁，约咗差不多一个月
每次回娘家都讲一次
佢地终于无端端陪我癫
因为到出黎个一刻
佢地仲为咗我嘅疯言疯语单打我呢
疯言疯语咪就系只系食一个布丁啰
哈哈哈哈哈哈哈，笑到肚痛
乳猪海蜇
妹妹要食乳猪，问服务姐姐细乳猪几钱
服务姐姐话 : 细乳猪唔够你地食架，你地叫例牌啦
咁例牌几钱呀?
佢话$140
咁加埋海蜇垫底呢?
都系$140呀，你要咪帮你加啰
豆豉炒油麦菜
问佢点炒油麦菜?
服务姐姐都未答，我个脑急转湾问 : 你有无豆豉鲮鱼炒油麦菜呀?
服务姐姐答我有
黎到都无豆豉鲮鱼嘅
同埋个啲都唔系豆豉啰
服务哥哥话 : 我地都无豆豉鲮鱼
佢讲得好鬼搅笑架
咕噜虾球
一上到枱，个阵酸味直上大脑，攻鼻，攻喉，攻肺
抢到要慢慢呼吸，稍为习惯了，就夹一件虾喇
第一口咬落去时，阵酸味抢喉差啲哮喘
噫!!!咁似鱼嘅?
再咬真啲，噫!!!真系鱼㖞
问服务姐姐写单时，写鱼定虾
服务姐姐话写虾㖞
再咬多次睇下啲纹
噫!!!系虾㖞
咁点解我食第一,二次嘅时候感觉系鱼呢?
唔通阵味酸到混淆咗?
问妈咪点解会咁酸嘅?
妈咪话 : 佢落咗好多白醋喇
噢!!!粉浆又太厚
平时我空口食柠檬都唔觉得酸呢，呢个no good
预订嘅菜式仲有炸蟹钳
我订咗6只系因为有6个人
但最后赖仔同饼饼都黎唔到
所以得返4个人
好多蟹肉，不过味道偏淡，外层系脆口架
粟米鱼肚羹
妹妹指定要饮，最锡系佢，佢要咩我都比佢，除咗条命
帮我地分羹嘅服务姐姐，分到剩返一半时
我叫佢停，佢即刻停咗系到
哈哈，吓亲服务姐姐添
劲多鱼肚，真系好多好多
羹够杰身，唔会稀稀的
呢个好饮
妈咪叫咗个桂花鱼炒唔知咩
因为系见到隔离枱食梗，所以我地又叫
呢个菜，真系好有心机
先起肉，再系每一块肉中间酿咗一啲松子仁，再加其他配料再炒
好食，我唔食鱼，都食咗两件，不过腥咗啲
炸粉果
我无食到，妈咪爹地妹妹一至觉得好难食
炸子鸡
皮脆肉嫩，无嘢讲，清晒
主角出场喇
西米焗布丁
妈咪以前成日整比我食架
不过而家唔整喇
服务姐姐问我地要唔要糖水
妈咪一听到系绿豆沙，即刻话要吖
我就问，有无落臭草架?
服务姐姐话有呀
咁我要多碗吖
爹地痛风唔食得豆
妹妹食凉嘢就会发烧
呢餐我地基本上食得好满意
服务姐姐梗系跟足我地成餐饭
又讲得笑，又无嫌我地烦
服务哥哥虽然唔系跟足我地全场
但佢都好好呀，我地咁烦佢都无黑面已经好难得喇
4个人食咗一千一百几
相关网志 : http://hk.myblog.yahoo.com/jessicalim1112/article?mid=6784
张贴
