泰 (瓊華中心)

营业中

休息中

太耐冇去泰国旅行好挂住啲泰国菜🥹，前几日成班朋友约好咗我去食泰国餐厅！今次我哋够多人叫咗劲多款泰国特色菜🤪🩷🩷原只卤水猪手🩷🩷原只猪手真系好巨型，而且煮得好腍好入味，卤水嘅味道咸咸甜甜，真系太好食啦。🩷🩷泰式炸鱼饼🩷🩷炸鱼饼食落都好香鱼肉味道！平时我仲钟意点埋啲泰式辣酱添。🩷🩷腌酸辣凤爪🩷🩷凤爪外皮够晒好咬口，酸酸辣辣仲好开胃添！🩷🩷炭烧大鳝🩷🩷呢度嘅炭烧都整得几好好食，鱼肉好嫩滑，外皮仲烧到有啲香脆。🩷芒果蟹肉炒饭x芒果糯米饭🩷朋友们都好钟意食芒果，所以叫咗两个唔同嘅芒果饭一个系咸嘅芒果蟹肉炒饭，够晒大碟又足料，超多蟹肉好邪恶。芒果糯米饭够晒软烟烟韧韧，当饭后甜品就一流！🩷🩷黄咖喱鸡肉🩷🩷黄咖喱加咗好多香料落去，所以层次味道都好丰富，好耐冇食过咁正宗嘅咖喱啦。🩷🩷泰式炒粉丝🩷🩷泰式炒粉丝食落甜甜地清清淡淡都唔错。