影片
更多
2025-01-23
658 浏览
今晚嚟花墟行吓，又可以食我最钟意食嘅曾三仙米线啦 。1)老坛酸菜腰花米线（微辣） $60+2粒虾滑（$5粒）呢个算系BB辣Level ,佢碗米线系成个小窝咁上，够新鲜滚热辣，而且米线系比起平时连锁店食𠮶啲幼身。而且配菜有好多，包括有海带丝、蕃茄丝，同埋酸菜，所以营养好均衡，一定可以吸收到足够嘅纤维😆😆唔怕斋食𩠌太多肉少菜 。猪腰切到开晒花，虽然闻到有少少猪臊味，但系食嘅时候一啲臭味都冇，口感爽脆！虾滑实在太好食啦，虾滑真系起晒胶，又够鲜，所以好弹牙！2）四仙米线 $54配料有鹌鹑蛋木耳鹌鹑蛋虫草花午餐肉猪润黄花鱼竹笙蕃茄肉丝（超多配料）呢个系唔辣既，但汤底都不失鲜味，超多𩠌，所以好抵食！可以话系一款养生又营养嘅米线，因为鹌鹑蛋、虫草花、猪膶、黄花都有唔同嘅营养，再配埋蕃茄丝、竹笙、木耳，提供埋纤维营养添！呢款个米线仲可以拣硬啲定系腍啲，亦都可以拣少米线，可因应唔同人嘅胃口作出选择，非常好！小食：3）糍粑油条 $18真系特色嘢，原来得香港分店有咋，听讲话仲成日断货添，好在今晚有得食，上次食已经觉得好好食，有油炸鬼嘅咸香，加烟靭糍粑嘅微甜，on top有好香嘅黑芝麻碎糖，超级好味！4）锅巴
1)老坛酸菜腰花米线（微辣） $60
+2粒虾滑（$5粒）
呢个算系BB辣Level ,佢碗米线系成个小窝咁上，够新鲜滚热辣，而且米线系比起平时连锁店食𠮶啲幼身。而且配菜有好多，包括有海带丝、蕃茄丝，同埋酸菜，所以营养好均衡，一定可以吸收到足够嘅纤维😆😆唔怕斋食𩠌太多肉少菜 。
猪腰切到开晒花，虽然闻到有少少猪臊味，但系食嘅时候一啲臭味都冇，口感爽脆！
虾滑实在太好食啦，虾滑真系起晒胶，又够鲜，所以好弹牙！
2）四仙米线 $54
配料有鹌鹑蛋木耳鹌鹑蛋虫草花午餐肉猪润黄花鱼竹笙蕃茄肉丝（超多配料）
呢个系唔辣既，但汤底都不失鲜味，超多𩠌，所以好抵食！可以话系一款养生又营养嘅米线，因为鹌鹑蛋、虫草花、猪膶、黄花都有唔同嘅营养，再配埋蕃茄丝、竹笙、木耳，提供埋纤维营养添！
呢款个米线仲可以拣硬啲定系腍啲，亦都可以拣少米线，可因应唔同人嘅胃口作出选择，非常好！
小食：
3）糍粑油条 $18
真系特色嘢，原来得香港分店有咋，听讲话仲成日断货添，好在今晚有得食，上次食已经觉得好好食，有油炸鬼嘅咸香，加烟靭糍粑嘅微甜，on top有好香嘅黑芝麻碎糖，超级好味！
4）锅巴土豆 $22
呢个小食我好钟意。因为佢出面嘅脆口感系炸到薄脆，而入边个薯仔系一咬开就系即粉，好似薯蓉咁，有双重口感，又切到细细嚿，食一旧半嚿都唔会觉得好有罪恶感，调味只需咸香已经好足够。
5）三仙蒜泥牛肉 $34
平时食蒜泥白肉就食得多，今次蒜泥牛肉都系第一次食，牛肉切到超级薄，可以话系差唔多薄到透光，再加上惹味嘅蒜泥同辣椒汁，都唔算好辣，够惹味嘅一道冷盘小食。
甜品：
6）酒酿豆腐花（叫米线套餐加$9）
呢个甜品有啲上海fusion嘅感觉，因为豆腐花上面有一层酒酿嘅米花淋咗喺上边，味道可媲美上海嘅酒酿丸子，豆腐花亦都够滑。发酵米花酒味够浓，搭配甜甜地嘅豆腐花好特别，味道好创新！
7）三仙冰粉凉虾 $13（跟套餐优惠价）
呢一度甜品系食四川重庆辣嘢嘅地方必定会有嘅甜品，系好解辣嘅 。呢个口感丰富在于加咗爆爆珠，同冰粉嘅温柔口感形成强烈对比，再加啲提子干，同埋蒟蒻粒，简直系有四重口感，非常丰富，食完大满足！
饮品：
8）冰糖山楂冻、小吊梨汤
（叫米线套餐加$10一杯）
饮品一啲都唔Hea，每一杯都有啲嘢咬下。好似冰糖山楂冻果杯，就饮饮下除咗味道酸酸甜甜之外，亦都有啲细细条嘅类似山楂条、蒟蒻条嘅烟靭嘢可以咬下。另一杯小吊梨汤，就有啲淡淡的甜，肠喉嘅甜，再加上一啲雪耳嘅爽脆口感，呢个养生滋润，好饮。
饮品虽然喺雪柜攞出嚟，但唔会好冻 ，而且饮品系冇加冰嘅，够原汁原味之余亦都好啱晒养生嘅女士们。
餐厅服务：
有碗仔自取柜，也有调味料自助区，可以按自己喜好随意加多啲葱、多啲芫荽、甜酸萝卜片、辣椒油、麻油、醋等等。
楼面员工服务好殷勤，态度好好，亦都对客人好细心，例如会温馨提示客人可以将一啲唔贵重嘅物品放喺后边有个篮度暂存，食完先攞返，咁就唔使担心啲座位喺繁忙时段唔够位摆嘢 。
老坛酸菜汤腰花米线（+2粒虾滑）
10 浏览
0 赞好
0 留言
后：四仙米线
0 浏览
0 赞好
0 留言
锅巴土豆
88 浏览
0 赞好
0 留言
蒜泥牛肉（冷盘）
9 浏览
0 赞好
0 留言
糍粑油条
134 浏览
0 赞好
0 留言
7 浏览
0 赞好
0 留言
三仙冰粉凉虾
0 浏览
0 赞好
0 留言
酒酿豆花
20 浏览
0 赞好
0 留言
4 浏览
0 赞好
0 留言
张贴
