影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
一個星期都食幾次米線🥘， 但巳食到有點太熟悉😔， 直到發現花墟嘅“曾三仙“. 佢來自四川，有好多唔同系列嘅米線， 大把款式任揀。🍭滋補蝦滑🦐米線 呢個滋補系列🍲， 最啱啲喜歡養生， 但又怕藥材味嘅人。 個湯好順喉好清甜， 材料好足， 最驚喜係蝦滑🦐真係有蝦肉， 真材實料💯。 🍭四仙米線🍜 + 追加： 豆腐泡 + 魚片🐠睇食評👀時巳鎖定要試呢個， 雖然個米線🍲巳有巨多配料，但都配咗惹味啲加豆腐🫔泡同魚片。 米線量足，味道豐富， 係大滿足呀😁！🍭小食 ：炸腐竹片, 虎皮雞🐔腳， 磁粑油條， 鍋巴🍲土豆 + 配餐飲品半價 ： 冰塘山楂凍 + 小吊梨湯 + 甜品：酒釀豆花 , 三仙冰粉。不愧係過江龍👍， 米線款多出色， 小食亦特別美味💞。 磁粑油條趁熱🔥係最好， 外皮嘅油條好脆， 內裡嘅麻薯好煙韌🫦， 口感豐富； 鍋巴土豆皮脆內軟，令人驚艷💋。配餐嘅半價酸甜山楂凍好開胃同近期大熱嘅小吊梨湯🍯亦好出色， 最後嘅甜品🍧滋潤清甜， 成為完美嘅句號。
继续阅读
跟另一半去到太子路過一間望落幾得意嘅餐廳叫曾三仙米線🍜經侍應介紹，原來呢間餐廳喺中國大陸有超過1000 間分店嘅連鎖餐廳而呢間喺香港係第一間分店見到餐廳內裝修幾靚今晚又想食有湯嘅晚餐🍲就入去食啦入到去隨便坐用手機📱掃QR code 睇menu 📖侍應提醒，一碗米線係好大碗建議我哋兩人點一碗米線share之後再點其他小食我哋就聽從侍應提醒點咗碗米線，另加其他小食餐廳有個自助區䓤，酸瓜，芫茜🌿，都係自取正👍🏻，啱哂我呢啲鐘意食葱撈湯嘅人🥳✨冒烤鴨米線🍜🪿點咗小辣🌶️真係好大碗內有大量木耳絲同埋竹笙墊底同時內有最少十件鴨件而且件件都係肉🍖唔會淨係得鴨背冇肉食湯底酸辣度剛好👍🏻唔會辣到流哂眼水而家米線碗好深米線真係食極都仲有兩個人一齊share 就啱啱好👍🏻👍🏻唔似其他連連鎖米線店咁食幾啖就食完而呢間米線係比其他嘅幼，似米粉但又唔會一夾就碎口感幾好👍🏻✨手打牛丸🐮🧆一份有七粒牛丸好有牛香唔霉的，咬落好彈牙入面仲有牛筋粒，好有咬口✨炸蛋🥚🥘俾個菜名吸引，就試下咩來頭侍應提醒要點落湯食原來係炸過嘅蛋醬點落湯食，酸酸辣辣，又有脆口嘅口感係好特別嘅食材✨磁粑油條🍨炸饅頭撈埋黑芝麻加糖🍩黑芝麻煮得好香而饅頭又炸得好香口呢個侍應提醒要趁熱食果然熱食時咬落去脆口饅頭加埋香甜黑芝麻，好好食😋✨三仙冰粉涼蝦🦐呢個係甜品🍮而特別之處係這個唔係真係有蝦🦐🦐而係好多紅色嘅涼粉加埋脆口嘅粒粒🍡並以啫喱襯底🍧撈埋紅糖汁一齊食唔太甜，但又好有咬口✨冰糖山楂茶🧋甘甘甜甜的，又唔係死甜底部仲有啫喱，好有咬口食完米線飲返杯就真係有解渴嘅效果用餐經驗愉快侍應會好花時間解釋每碟食物🥘態度又親切有禮而餐廳通風好好💨食碗熱米線都唔會滴汗而且餐廳環境整潔企理枱面唔會有油漬地面又乾爽今餐兩個人食都食得好飽🤟🏻會繼續幫襯
继续阅读
今日去太子花墟買花，見到花園道有人排隊，去睇下就見到曾三仙米線，即刻想起上次去成都嘅回憶。入去見樓面都幾寬敞，坐底老闆問我哋食唔食得辣，我哋話天氣熱，唔想食辣，佢就介紹咗我哋食個四仙米線，有好多配料：木耳、鵪鶉蛋、竹笙、番茄、蟲草花、豬肝、黃花、午餐肉同嫩肉絲，老闆介紹我加蘭花乾，即係油豆腐串，因為佢可以吸晒湯汁好juicy 。我哋再加多個番茄虎皮豬蹄米線，我鐘意食牛柏葉，所以加咗千層肚，再追加一個炸蛋，浸湯食一流。我哋再叫咗個重慶現炸小酥肉 ，淨食香脆，浸湯更好味。而家消費任何米線或特色小食，即享有紅糖豆花或生椰拿鐵飲品三蚊優惠，我哋嗌咗生椰拿鐵，小小椰香幾好飲，另一杯冰糖山楂凍配餐特價$ 9，酸酸甜甜仲有爽口嘅山楂凍，我哋仲叫多杯馬蹄椰子水有啲椰子粒珍珠，飲落幾過癮。總共二百幾蚊埋單。自助區有芫荽同香蔥任裝，仲有碗同羹可以攞，醃蘿蔔都可以任裝嘅。講返嘢食先個虎皮豬蹄非常之香口，個米線仲有好多料，包保夠飽肚，牛肚亦都好爽脆。配埋個炸蛋浸湯一齊食，快活過神仙。個四仙米線都係好多好多料，個油豆腐吋浸晒湯索晒味超正，佢哋嘅米線比我平時食嗰啲米線幼身，比較彈牙，份量亦都非常多。杯拿鐵唔甜，啱晒我唔追求小糖。
继续阅读
行完花墟去覓食，被佢招牌寫嘅「川澈頂流米綫」吸引。唔好以為川菜一定得辣，餐廳好照顧到唔同客人需要，好貼心咁寫明唔同湯底嘅辣度。朋友唔食辣就揀咗滋補湯底米線，而我就選擇咗小辣嘅藤椒湯底。滋補三仙米線 $54湯底係當歸藥材，配有木耳、鵪鶉蛋、竹笙、蕃茄、蟲草花、豬肚、黃花午餐肉、肉絲。當歸好養生，配料又夠多。最特別係佢嘅配菜係切到一條條，唔係一舊舊，咁樣夾嘅時候又真係方便到餸夾米線一次過放入口。藤椒蝦滑米線 $58雖然主打蝦滑，但又係好多配料，呢間餐廳真係毫不吝嗇。個人係喜歡呢隻辣，唔係普通餐廳果種麻辣，係虎皮辣果種辣，我叫咗小辣覺得剛剛好，啱我口味。加蘭花干 ＄10特意加蘭花干索湯食，似豆卜。餐廳好貼心咁幫我分開上，因為咁就可以同我朋友share 啦！三仙蒜香牛肉片（冷盆）（小食）$32蒜香味濃，好惹味。炸蛋（小食）$10好碎，一分開佢聽到清脆嘅聲音，似炸聲鈴炸腐竹片（小食）$9好得意嘅脆脆塊，有獨特嘅香味，係有驚喜嘅磁粑油條（小食） ＄16餐廳話呢道菜係全港只此一家。又真係好食
继续阅读
肉酥和內碎似腐肉，千祈唔好叫，完全冇口感，賣相求其，屋企煮都靚過佢，湯底唔覺有咩特別，康師傅番茄湯底，其餘就係酸菜加小辣湯底，食完都唔知食咗咩，感覺好差，米線冇嚼口，唔明點解咁多好食評，唯一可能係平幾蚊囉，唔係香港人口味，食完好失望，發覺雲南小鍋、譚仔&三哥原來已經好好味😋服務麻麻，唔夠人做，1-2個樓面chur全場，可能只係適合重慶人士口味，建議真係要執執配菜口味，自問應該唔會回頭，仲衰過以前米線哥😪
继续阅读