一生懸麵

营业中

休息中

近来日本虽然已经开左关不过都因为无假同贵机票而未飞，次次讲起都会话落地第一餐一定系拉面。既然未去到日本就系香港食拉面顶住先。今次黎到旺角的一生悬面，平日夜晚六点都未够已经都不断有人排队。入到去已经好似去左日本咁，大至装修布置，小至餐具都睇得出餐厅的用心。拉面拣左白汤豚骨拉面同海老拉面🍜白汤豚骨汤底味道适中，豚肉有烧烤过的香味，入口即化。而海老拉面一黎到已经哗左出黎，好多海老！所以成碗汤都好香海老味，配埋豚肉食一流小食叫左鸡软骨棒同煎饺子🥟鸡软骨棒坊间一般都系点生蛋，但依度系京葱加沙律酱同烧汁，估唔到都咁夹。而煎饺子一口尺寸，皮薄多汁。下次会再想试埋沾面同其他小食🤤