影片
更多
2007-08-26
14 浏览
呢间食店前身系鸿星嘅 DINNING ROOM, 因为我系街坊, 所以间中都会去帮衬, 原本DINNING ROOM 都算OK, 但唔知点解会执咗, 虽然两间都系鸿星嘅, 但系真系一间不如一间..... 我哋系俾佢新开张时嘅大虾餐广告吸引去试, 我同老公响食店门口睇咗一阵, 有个waiter 埋嚟 sell 我哋, 我就问个waiter 每人会有几多只大虾, 佢话每人会有一只,于是我哋就决定帮衬, 我哋order 咗一个二人大虾餐,有汤,牛肉汤檬粉, 火焰大虾, 饮品& 甜点, 个汤& 牛肉檬粉都一样淡而无味, 于是我就加啲放响桌上嘅鱼露落去, 点知味道仲差咗, 跟住我哋等咗好耐都冇食物送嚟, 因为𠮶次我哋坐得好近佢哋嘅 kitchen, 所以我哋时时听到"叮" 一声,冇耐我哋嘅火焰大虾就送嚟嘞!点知一睇只得三"边"所谓嘅大虾, 我明明一早问咗系每人会有一只, 于是我揾个waitress 问清楚, 佢当时都唔可以即时答我, 等咗一阵,有个戴厨师帽嘅男人走嚟同我哋讲,其实每人只会有半只大虾,因为当日嘅虾比较细只,所以俾多半只我哋, 于是我话我问清楚先order,点知怇只讲咗一句"唔
我哋系俾佢新开张时嘅大虾餐广告吸引去试, 我同老公响食店门口睇咗一阵, 有个waiter 埋嚟 sell 我哋, 我就问个waiter 每人会有几多只大虾, 佢话每人会有一只,于是我哋就决定帮衬, 我哋order 咗一个二人大虾餐,有汤,牛肉汤檬粉, 火焰大虾, 饮品& 甜点, 个汤& 牛肉檬粉都一样淡而无味, 于是我就加啲放响桌上嘅鱼露落去, 点知味道仲差咗, 跟住我哋等咗好耐都冇食物送嚟, 因为𠮶次我哋坐得好近佢哋嘅 kitchen, 所以我哋时时听到"叮" 一声,冇耐我哋嘅火焰大虾就送嚟嘞!点知一睇只得三"边"所谓嘅大虾, 我明明一早问咗系每人会有一只, 于是我揾个waitress 问清楚, 佢当时都唔可以即时答我, 等咗一阵,有个戴厨师帽嘅男人走嚟同我哋讲,其实每人只会有半只大虾,因为当日嘅虾比较细只,所以俾多半只我哋, 于是我话我问清楚先order,点知怇只讲咗一句"唔好意思"就闪咗, 当时我心谂"乜咁多谢呀!!" 咁都算喇, 所谓嘅大虾又干又幼,好似我嘅食指咁幼,根本唔够食而且我估系用微波炉"叮"热,最离谱嘅仲有个千层椰汁榚,好似雪咗好耐咁,条边硬到咬唔开,卒之冇食到,我谂最正常都系杯餐茶,其他都不知所谓......> _ <
虽然该食店有人唱live, 好似好好气氛咁, 但我心谂佢哋连最基本嘅食物都搅唔掂,学咩人搅气氛吖,几好气氛都系假,啲食物水准咁差.......
张贴