摩豆 (已結業)

是日同朋友路过铜锣湾，老远就见到呢间野铺面大排长龙，一堆人唔知喺度等梗乜。好奇嘅我同朋友立即上前一看，哦，原来系鸡蛋仔！见到一底鸡蛋仔只系＄20左右，抱住绵羊心态嘅我亦都上前帮衬左一底。款式有好多（如图），初时都有选择困难， 本来谂住拣简单嘅朱古力味，但朋友话佢有咁多特别嘅款式，拣啲咁简单嘅好似好吾值， 就说服左我买积及橙朱古力味。事实证明佢嘅选择系啱嘅！佢系即叫即整，等左5至10分钟左右就有得食，一攞到上手就闻到好香橙味，又有粒粒嘅朱古力， 真系好正啊！＄23都算系好抵食， 迟啲会再帮衬！