影片
更多
2009-10-22
144 浏览
有人请客，为同行几位朋友庆祝生日，我地特别早一个星期订位去佢最欣赏既友和食日本野。我地真系有福啦，鱼生刚刚到，见到好多好正既生鱼，重睇埋师傅㓥鱼既刀法。今次影左好多相，但食评内只能挑选其中8张，不过一阵我会喺友和𠮶页post 埋上去。所有野都好新鲜。我地重要食到encore好多样，重要揽住个肚走添。唔好哂时间，等我续一介绍比大家： 粟米头盘 (季节性)：必吃1!!! 非常鲜甜爽口，正到我同爸爸唔钟意食蔬菜既人都食到要encore!!! 。 粟米系切成一片片既（我地钟意呀，唔洗自己喳住黎咬），可以用筷子夹起，不过要好小心，因好容易跌。 炸三文鱼皮：必吃2!!! (sorry唔记得影相）经理推介，好薄，好脆，好够味，入口重会溶，无人话你知真系好难估到系鱼皮。 拖罗寿司：必吃3!!! 条鱼刚刚到，师傅㓥完我地系头8个欣赏到既食客 dum dum dum... (dum 几声) 食到我地大家都要encore!!! 入口会溶架!!! 温度啱啱好，好鲜甜，系我食过最好食既拖罗!!! 所有拖罗fans真系唔好错过，一定要黎试下。 金目鲷刺身同八爪鱼刺身：我个人系比较喜欢食寿司，可能系因为有饭
唔好哂时间，等我续一介绍比大家：
粟米头盘 (季节性)：必吃1!!! 非常鲜甜爽口，正到我同爸爸唔钟意食蔬菜既人都食到要encore!!! 。 粟米系切成一片片既（我地钟意呀，唔洗自己喳住黎咬），可以用筷子夹起，不过要好小心，因好容易跌。
炸三文鱼皮：必吃2!!! (sorry唔记得影相）经理推介，好薄，好脆，好够味，入口重会溶，无人话你知真系好难估到系鱼皮。
拖罗寿司：必吃3!!! 条鱼刚刚到，师傅㓥完我地系头8个欣赏到既食客 dum dum dum... (dum 几声) 食到我地大家都要encore!!! 入口会溶架!!! 温度啱啱好，好鲜甜，系我食过最好食既拖罗!!! 所有拖罗fans真系唔好错过，一定要黎试下。
金目鲷刺身同八爪鱼刺身：我个人系比较喜欢食寿司，可能系因为有饭。因为爸爸要食薄切既刺身，经理介绍就左金目鲷。我妈妈钟意食八爪鱼，见到啱啱交到师傅手上既一条咁靓既八爪鱼(见图)，就忍唔住叫左个order。哗!! 好新鲜好甜呀，八爪鱼个圏圏系最好食架!!
海胆寿司：必吃4!!! 话左比经理知系我地生日𠮶几个既favourite，唔知系咪师傅私人醒，好劲呀（见图)。鲜甜滑溜，真系冇得弹!
萝卜苗拖罗卷：问经理可否介绍个特别既卷物，佢就叫我地试下冇饭既萝卜苗拖罗卷，入面有萝卜苗，拖罗同蟹籽。好清新既鲜味，而且D萝卜苗好嫩口。
烧三文鱼寿司：必吃5!!! 系友和个网页见到幅相，所以叫黎食。平时唔知系咪喺buffet食得太多三文鱼刺身，今次食到依个烧三文鱼寿司我以后都会转左食烧既。 唔需要点汁，三文鱼本身有味，上面重有姜溶。我又要encore!!! 好似细佬仔时第一次食到D咁好食既野要daddy mommy比多D个只。
烧秋刀鱼寿司：必吃6!!! 我地叫寿司食时经理第一个推介。佢解释因为我地啱啱有8个人，一烧条秋刀鱼就要做8件，所以每次叫要最少order 8件先得。我地好多人未食过唔系好想试，因为惊腥同多骨。佢就话包冇骨同包唔腥!!! 咁我地就大胆试下。哗，我地每个人都拍哂手掌!!! 好食都难以形容，所有人都再encore!!! 个秋刀鱼唔只冇骨，唔腥，个肉重好滑好嫩好细致，烧出黎个味道好香，真系冇介绍错!!! 好想做卡通片入面既主角大叫大跳飞上天。
生野我地重食左我地平时都好钟意食既Mirugai (giant clam)同油甘鱼Hamachi。全部都好新鲜好清甜。如果大家个肚重有空位都不访试下。
必吃7!!! 烧拖罗鱼拗!!! 我地屋企通常都会叫烧Hamachi鱼拗食。不过经理话拖罗鱼拗重好食!!! 真系讲得冇错，我地以后系会叫拖罗鱼拗!! 入到黎已经香喷喷，烧到个皮好脆，D肉好滑好鲜甜。我地食到lam lam lay。
食完个拖罗鱼拗我地真系再无余力啦。不过我同两位较肥既朋友都要食埋个柚子sorbet先肯走，帮助消化嘛。
大家今次真系好似去完演唱会咁，encore左无数次都重想继续黎。食完今餐之后觉得以后唔洗去第二度食日本野。 其中一个好钟意食日本野既人话质素高到好似去左日本食咁。 唔洗比钱，所以唔知几贵。不过食到咁正咁新鲜既日本野，贵都应该啦。
张贴
