波仔 (已結業)

好忙呀好忙呀！送哥哥返学，买𩠌，陪细佬玩，已经到中午，我个肚已经好饿，但已经冇时间冇心机煮俾自己食😣。好彩放长假前，买定几个波仔，叮几分钟就可以食😉。上年推出既 ，喺百佳有得买，唔系辣，但又有街外星洲米嘅香味😋，连盒叮完仲会少少湿，唔系干争争。有时想食湿嘢，今年新产品［麻辣牛腩汤米粉］就最啱，少少麻少少辣，如果多少少菜就完美啦😜。仲有［瑶柱鸡粒荷叶饭］，荷叶非常香，仲有好多鸡粒，不过可能屋企微波炉太强，叮6分钟干咗少少，好彩唔影响整体口味。［鸡沙嗲XO酱炒饭］，有两串沙嗲鸡，肉质嫰，有啲惊喜😍。全靠几个波仔，救咗我呢个伪全职妈妈几日！