丼丼亭 (已結業)

日本有唔少连锁天丼专门店，原来香港都有! 呢间丼丼亭店内装修简约整洁，地方阔络，俾人舒服嘅感觉。呢间虽然系天丼专门店但仍有唔少其他种类嘅丼饭甚至寿司刺身可以选择。睇完menu都系对天丼最有兴趣，就叫左一个天丼一个杂锦天丼。天丼: 上枱时见到啲天妇罗咁彭湃已经加左好多分。呢个天丼有两只海老天妇罗，3种野菜天妇罗，分别系茄子，南瓜同青椒各一件。啲野菜天妇罗件件都几大块，特别系茄子。炸左嘅野菜们都保持水份，唔会干，可惜南瓜唔够甜。炸衣有少少厚，同埋比较油，但都算松脆。海老天妇罗嘅海老好幼，唔系好食到虾味，而且都系太油。本来以为饭太少，但其实都够食。另外个天妇罗酱汁太淡，但枱上都有7味粉同海盐俾客人自行使用。杂锦天丼: 同天丼嘅分别在于呢个丼少只海老，变左鱼天妇罗同鸡柳天妇罗各一。鱼天妇罗系唔错嘅，鱼肉好滑，同脆脆嘅炸衣好有对比，但依然系被太油呢件事破坏左整体。鸡柳天妇罗应该系用鸡胸部位，炸得啱啱好熟，都仲有啲肉汁。但用鸡柳做天妇罗好似唔太夹。题外话: 跟饭嘅渍萝卜又几爽几好味㖞，可以用黎中和油腻感。