麗都餐廳

营业中

休息中

中午同班同事一起去食呢间茶餐厅，其实附近都好多类似餐厅，不过呢间既铺面算企理，光线足，对比附近餐厅算系一个优点。不过点讲都系一间茶餐厅，茶餐厅咁大众化既野味道同质素都应该知系咁上下，唔可以expect太高。我同另一个同事都拣左猪扒不过一个系饭一个系公仔面，猪扒真系好大旧好厚，表面好脆，温度都够热，但里面好似有少少未煮熟，味道OK，份量好足。同埋仲有香葱酱汁，绝对够味唔会淡，但就比较油腻。另外仲会附送例汤，都几好饮而且仲有少少肉。总而言之其实水准就系一般茶餐厅，油脂同钠一定比较高，但味道唔错，间中食一次都无妨。