Futago HK大阪燒肉 (已結業)

黄雨都担遮挨风雨行大几分钟，加上风评不错，心里有啲期望。店内环境有啲暗，枱面放咗个炉有啲迫。店方提供纸制围巾以防溅油几细心。要咗特上和牛牛肋肉御膳。前菜有炆牛舌、薯仔、芽菜令我谂起韩膳。沙律系普通生菜萝卜丝洋葱。海藻汤都系普通。牛肋肉有7片，烧落有啲难咬开唔够软腍，且个人不喜重调味肉类因感觉质素较差才需作出掩饰，不过烧到有坑纹微焦又好香口。肉质非特别好与余伊吕波、和幸、盛八相若，整体份量偏细。店员初时未有察觉将炉火调较至最高令我烧起上嚟有啲狼狈，行过亦冇留意客人枱面情况同呼唤，最后我自己摸索较细啲火先冇烧咗佢舖。冇信用卡优惠且位置偏离铜锣湾中心地段加埋份量少服务稍逊， "牛禅"嘅性价比绝对较高。