莆田 (利舞臺廣場)

营业中

休息中

星期日中午想试新野，就去左铜锣湾呢间莆田。见到有米芝莲一星，一开始就有D期望。一坐低，服务员便sell我38蚊嘅红菇茶。好贵，所以我就问有无普通嘅茶。佢就话有其他茶，如菊花茶，大红袍和铁观音。结果我拣咗大红袍，又系中伏，依然系38蚊。只有菊花茶是9蚊一壶, 但服务员完全无讲清楚，好伏，大扣分。入正题，点左3道菜，莆田扁肉汤，药膳竹筒虾和莆田卤面。先讲莆田扁肉汤，19蚊一碗。有七个小云吞，味道一般。呢个价钱，算系不过不失。跟住系药膳竹筒虾，59蚊一筒，有两只虾。味道亦系相当一般，虾太软，吾弹牙，又无药材味。药膳汤嘅味亦好淡。个人不推荐呢尾𩠌。最后系主食，莆田卤面，82蚊一碗，份量算式中。其实卤面就系湿面，入面加左少量虾，蚬，肥猪肉和菜。味道还算OK。连小食和服务费，买单一共228。呢个价钱，我可以食到其他更好嘅食物，而且服务员有D hard sell, 所以应该吾会再去。米芝莲一星，名大于实。