影片
更多
2024-04-27
241 浏览
晚上19:45左右嚟到，门口要排队大约10个人。以前未有YouTuber介绍之前，冇见过有人排队，好多时候都只系得1-2枱，而家真系红咗。等咗15-20分钟就有位。有枱系自己入座，自己去收银处落单，自己拎餐具。1. 鸡油马友配薯条$128：炸鱼薯条嚟讲，唔算好食。好食嘅炸鱼个皮会脆（用脆浆），块鱼会好滑有鱼味；佢呢个马友系吉列硬皮，有鱼味但唔系话好突出好加分，食落少少鞋口但可以接受。旧鱼就咁食会有少少腥味，喷咗花雕个腥味会冇咗，会好食番少少，但唔称得上系好食。佢俾两只叉你，系因为佢个吉列皮好硬，用刀一切旧鱼就会散晒，而佢块鱼皮有时又会切唔断，所以好难好完整咁食佢块鱼。跟咗个绿色白色嘅酱，冇乜味少少草青味，点鱼或者薯条都唔夹，唔知想点。沙律同薯条就正常发挥。2. 手打骟牯牛堡$112：等咗好耐先上，即刻整，个包面仲脆，点知一啖咬落去就出事。。。点解系羊味嘅？系一阵羊骚味。我同老公都好疑惑，骟牯牛我哋打边炉成日买啦，几时会有骚味骚到好似食羊咁？而且羊同牛味都唔同，都分到㗎？由于出菜𠮶阵同时出咗两个包，我哋就怀疑系咪搞错咗，老公去问完，佢哋话可能同一个扒炉煎，所以沾咗啲羊味。佢可以重新整一个
1. 鸡油马友配薯条$128：炸鱼薯条嚟讲，唔算好食。好食嘅炸鱼个皮会脆（用脆浆），块鱼会好滑有鱼味；佢呢个马友系吉列硬皮，有鱼味但唔系话好突出好加分，食落少少鞋口但可以接受。旧鱼就咁食会有少少腥味，喷咗花雕个腥味会冇咗，会好食番少少，但唔称得上系好食。佢俾两只叉你，系因为佢个吉列皮好硬，用刀一切旧鱼就会散晒，而佢块鱼皮有时又会切唔断，所以好难好完整咁食佢块鱼。跟咗个绿色白色嘅酱，冇乜味少少草青味，点鱼或者薯条都唔夹，唔知想点。沙律同薯条就正常发挥。
2. 手打骟牯牛堡$112：等咗好耐先上，即刻整，个包面仲脆，点知一啖咬落去就出事。。。点解系羊味嘅？系一阵羊骚味。我同老公都好疑惑，骟牯牛我哋打边炉成日买啦，几时会有骚味骚到好似食羊咁？而且羊同牛味都唔同，都分到㗎？由于出菜𠮶阵同时出咗两个包，我哋就怀疑系咪搞错咗，老公去问完，佢哋话可能同一个扒炉煎，所以沾咗啲羊味。佢可以重新整一个俾我哋。由于佢20:30已经last order咗冇接新客，所以今次5-8分钟左右就上到个包。今次都系有羊味，只系比之前淡咗。我哋费事烦，快快食完就走了。第二个包比第一个热好多，食落好食啲，如果$70-80蚊嘅话连一罐汽水咁其实都ok嘅，但$112就唔值呢个价啦。真心我觉得MOS Burger仲好食啲。
3. 叫包/主食有汽水送，要自己去雪柜攞，或者可以半价转啤酒。$34咁大杯啤酒，呢part系抵嘅。
呢间网红店食过一次我唔会想再返转头。佢好明显系cafe人少少就ok，人一多佢根本搞唔掂。唔会带位，执完枱又唔抹枱，order咗嘢要整好耐，如果中间有外卖又会整咗外卖先。啲食物要即整我哋明呀，杯啤酒要等15分钟先上，个职员眼望望明明冇嘢做，都唔会落完单就上杯啤酒俾你先，叫佢过嚟抹枱要叫两次，抹完枱先记得未上杯啤酒。两份餐又分开20分钟先上齐，成个用餐体验都唔好。我由等位到食完餐饭，全程75分钟左右，我冇乜见到边个食客系食得好开心，觉得好好食𠮶种好满足嘅表情。睇得出好多都系睇完YouTube过嚟试新嘢，好兴奋咁落单，然后冇乜表情咁食完出番去。我第一次，食完餐饭系会想上番个YouTube channel去小个YouTuber。泰安楼好多好嘢食，唔好嘥钱食呢间喇，名过其实。
3 浏览
0 赞好
0 留言
4 浏览
1 赞好
0 留言
张贴
