茶狼 (已結業)

巨峰提子白露奶盖茶芝士奶盖可以，算几滑，芝士味偏淡，巨峰提子茶完全唔掂，淡茂茂，冇乜提子味，而且饮到有小小苦涩味，饮完条脷嚡烚烚，唯一系饮得出有加提子，饮到提子果肉，建议店方下次可以将提子去皮才制作饮品。冻顶乌龙茶朱古力切饼，买饮品即时加$18就有任何切饼一件太夜去，好多切饼已经卖晒，剩返呢款，朱古力味出奇地好浓，以为会系死甜，点知冇死甜得嚟仲有少少甘苦味👍🏻，反而唔系好食到乌龙茶味，茶味比较淡。