魚米 (已結業)

下午无食午餐，所以想食得饱d，于是就来左呢间鱼米谂住食返个米线。呢度嘅下午茶餐米线加野饮同其他米线店差唔多，都系$30几。我叫左个清汤米线配鱼腐同墨鱼丸，野饮要左杯热柚子蜜。虽然系下午茶，但米线同配菜嘅份量都唔少，可以食到饱。个清汤系鱼汤，不过不失，淡淡地嘅汤，唔会太咸。墨鱼丸质感有d实，但味道不错。至于鱼腐系自家制，但我觉得味道好麻麻，有d腥味而且食食下仲有d软骨。杯热柚子蜜就真系好甜，酸味几乎比甜味盖过，有d似饮紧糖浆沟水咁。