影片
更多
2018-12-10
234 浏览
12月7日星期五 雨辛苦左甘耐，终于考完试，考完试当然要食翻餐好架啦，我一路都中意食omakase，所以未考试之前已经一路睇紧考完试去试边间好，之前无意睇食评，睇到武馆好似都唔错，而且系香港嘅omakase黎讲，佢嘅款式真系最多，有成廿七味菜甘多，我真系冇见过香港omakase有甘多菜式架，好，一于就试下啦天公不做美，但我甘为食，系完全影响唔到我享受美食嘅决心，一入到武馆坐低，感觉真系好似去左日本嘅高级食府一样，地方整齐企理，充满和风得黎又带点深夜食堂嘅风味，此时主厨武师傅已经磨拳擦掌地为我地今晚八位客人准备食材了，之后武嫂就细心地帮我倒茶，之后就推介可以叫杯酒饮下㖞，我见今日甘开心，好，就叫杯梅酒饮下简单而整齐嘅摆位好，Show time1)首先送上枝豆，作一个清新嘅开始，好甜呀2)汁煮乌鱼白子，咬落去软林林嘅，然后就系浓香嘅鱼味，配上酸酸地嘅酱汁，好match3)白象贝清汤，汤甜得黎充斥住贝味，而且加左白象贝嘅内贝肉同埋肝，前者爽甜，后者口感似鹅肝，但就系贝味嘅鹅肝，两种唔同嘅态度，一流刺身:4)富山白虾配紫苏粉，好细只矜贵嘅白虾，经人手逐只拆肉，绝对系心机菜，我系逐只食嘅，哗，比
辛苦左甘耐，终于考完试，考完试当然要食翻餐好架啦，我一路都中意食omakase，所以未考试之前已经一路睇紧考完试去试边间好，之前无意睇食评，睇到武馆好似都唔错，而且系香港嘅omakase黎讲，佢嘅款式真系最多，有成廿七味菜甘多，我真系冇见过香港omakase有甘多菜式架，好，一于就试下啦
天公不做美，但我甘为食，系完全影响唔到我享受美食嘅决心，一入到武馆坐低，感觉真系好似去左日本嘅高级食府一样，地方整齐企理，充满和风得黎又带点深夜食堂嘅风味，此时主厨武师傅已经磨拳擦掌地为我地今晚八位客人准备食材了，之后武嫂就细心地帮我倒茶，之后就推介可以叫杯酒饮下㖞，我见今日甘开心，好，就叫杯梅酒饮下
简单而整齐嘅摆位
好，Show time
1)首先送上枝豆，作一个清新嘅开始，好甜呀
2)汁煮乌鱼白子，咬落去软林林嘅，然后就系浓香嘅鱼味，配上酸酸地嘅酱汁，好match
3)白象贝清汤，汤甜得黎充斥住贝味，而且加左白象贝嘅内贝肉同埋肝，前者爽甜，后者口感似鹅肝，但就系贝味嘅鹅肝，两种唔同嘅态度，一流
刺身:
4)富山白虾配紫苏粉，好细只矜贵嘅白虾，经人手逐只拆肉，绝对系心机菜，我系逐只食嘅，哗，比平时我地食嘅甜虾要甜一百倍，而且黏性很强，配上紫苏粉嘅咸香，好食到停唔到口
5)岩盐炙烧白乌贼，鱿鱼比一般充胶质，而且味道更鲜，加D岩盐烧，形成提鲜作用，Good
6)金目鲷，只能用鲜美去形容，而且富有层次感，细啖咬，仔细地你会发现每个位都唔同味，加上面层嘅鱼皮，好有咬口
7)深海池鱼，用昆布淹过，一样有层次感，而且加上昆布嘅咸香，配撘得好
8)石桓贝，我一直好想试，终于有机会喇，武师傅达一下佢令肌肉收缩，先上比我地，果然冇失望，贝肉爽脆，味道好似鸟贝mix少少象拔蚌嘅味，但就比鸟贝更鲜甜，而且有啖啖嘅海水味，忘不了你
9)火炙梭子鱼，烧一烧令鱼皮，好香口，都系比较淡味嘅鱼，所以加左岩盐烧，吊起鱼嘅鲜味，Good
10)金线鲷，用昆布淹过，口感爽口有咬口，加上鲜甜嘅鱼味仲有昆布嘅咸香，一流
11)白象贝，一样达一达先上枱，口感较石桓贝软身，但一样出色，鲜甜嘅味道，同啱啱系汤嘅白象贝又系两种食法
12)拖罗大叶卷，一流嘅作品，拖罗冇筋，入口即溶，而且油脂丰富，有D唔舍得吞落肚，配上带D薄荷香嘅大叶黎中和，正呀
13)蜜柑鲷，充满果香嘅蜜柑鲷，好味系一定嘅，甜甜嘅鱼味配上柑桔嘅幽香，一流
14)牡丹虾，我嘅超爱，果然冇失望，虾肉系我食嘅最好味，鲜甜厚肉，而且胶质好重，口感丰𣍰，虾头嘅膏甘香浓旭，而且完全冇异味，这味道系天上有，同放题根本冇得比，100分
15)秋刀配其肝酱，我好少食秋刀鱼刺身，配上肝酱食就完全冇试过，秋刀鱼味好浓，而且余韵好长，配上秋刀嘅肝酱，来一个首尾呼应，另一人间美食，好味到我连少少肝酱都唔放过
16)海参小钵，食完刺身，就有佢黎间下场，佢完全颠倒左我对海参嘅印象，我估佢会软林林，点知原来系爽脆，咬落去似八爪鱼，再加上酸酸嘅汁，好得意
此时，武师傅同我地干杯，大家饮杯，呢种感觉真系好warm，好似系一个family，大家一齐食饭，之后饮杯，我未试过食omakase有甘warm嘅感觉，彷佛真系系辛苦工作过后，将压力释放出黎，之后我同武师傅同武嫂都打开话题，大家倾下对食材嘅研究，倾下生活，真系一个愉快嘅时光，我感觉到武馆除左食野之外，仲包含住浓浓嘅人情味，呢个系我去其它omakase餐厅食饭比唔到我嘅，有D人话武师傅好cool，但我觉得佢只系外冷内热，大家未熟嘅时候，佢系比较少讲野，但主动D同佢倾计，其实佢个人好nice架，而且佢系好warm嘅
重头戏寿司环节开始
17)渍物，开始前，武嫂比左渍物我地，武馆真系一间好认真嘅餐厅，连渍物也一丝不苟，有牛蒡，淮山，蒜子配木鱼，牛蒡爽脆，淮山有咬口，而且滑滑的，食得出系新鲜嘅，蒜子香口，好味
18)帆立贝寿司，好厚肉，带子味比元X果D浓好多，而且好鲜味
19)迷你海胆杯，花名为富贵杯，真系好富贵架，有筋子，海胆，海葡萄，Yes，我最爱海胆，所以我有福喇，完全冇失望，海胆口感丰𣍰，鲜甜而且带点海水嘅余韵，一流，海葡萄咸咸香香嘅，几特别，筋子食得出系用sake浸过嘅，带出咸香，配上淡淡嘅酒香，好幸福呀
20)喜知次寿司，配上喜知次肝，入口鲜甜，淡淡嘅鱼鲜，配上肝酱，来一个首尾呼应
21)吞拿面珠寿司，吞拿稀有部位，100kg以上嘅吞拿鱼先有架，只有两片，轻轻烧一下，令筋位微微溶化，好有咬口，而且鱼味唔输比拖罗，正
22)鲭鱼箱押寿司，浓浓嘅鲭鱼味，Good
23)酱油渍大拖罗寿司，经过熟成，比之前嘅拖罗大叶卷味更浓，浓浓嘅鱼油香，配上酱油嘅咸香，味道富层次
24)𩽾康鱼肝，有海中鹅肝之称，入口唔输比鹅肝，油香浓旭，浓浓嘅鱼香配上酸酸嘅汁，而且暖暖的，正
25)秋刀大叶卷，秋刀浓香，配上清新嘅大叶，中和之后，真系好夹
26)鱼汤乌冬，黎到尾声，将今晚食过所有鱼骨煲汤，鱼汤入口好重鱼味，鲜到冇朋友，最重要系，完全冇口渴嘅感觉，配上滑滑乌冬，我真系冇食过甘好食嘅汤乌冬，perfect
27)果物，有温室蜜瓜同士多啤梨，两者都好甜，黎一个happy ending
埋单计埋加一，呢餐食左千七有多，系真系几贵，但系绝对值得，有D朋友笑我，千七蚊不如食自助餐，我嘅谂法系，呢餐系重质不重量，因为你食到全部嘅食材都系最好嘅，高级之余你会学到食材嘅知识，仲可以见识到你未见识过嘅野，呢D系食自助餐比唔到你嘅，而且最重要嘅系充满一份浓浓嘅人情味，大家一边食，一边倾计，好似一个family甘，呢样系冇一间食过嘅餐厅比到我嘅，呢个就系武馆嘅可贵之处
临走嘅时候，最开心嘅系武师傅两公婆同埋其它食客，一齐鼓励我读书同工作加油，呢份暖心嘅感觉，令我呢一世都唔会忘记，多谢呢晚所有陪伴我嘅人，一间甘好嘅餐厅，我当然会回头啦，以后我最少每季都黎一次，所以依家开始就要努力储钱，下次再黎
张贴
