影片
更多
2019-01-14
987 浏览
今日收工后过左元朗同家人食饭, 老公揾到一间任食打边炉既小店, 见人介绍同埋睇相, 见食物卖相都唔错, 所以我地就过黎帮衬.老实讲, 店舖装修比较地道, 讲得小店, 舖面自然讲不上大, 不过因为我地有小朋友, 所以职员已尽量安排一个较安全既位置俾我地. 坐低后, 大家就研究食乜野, 职员其实好殷勤咁向我地介绍佢地既食物. 仲带老爷出去睇其他客人食紧既鱼煲, 因为老爷系好鱼之人, 佢话个鱼煲好吸引好想叫....不过职员话因为要订, 同刚卖晒鱼....但职员 (我估系老板娘) 停左几秒后, 就话 : 我帮你谂掂佢! 估唔到佢系出去街巿即刻买鱼返黎整! 等食期间, 每位客人可免费享用呢笼点心. 有虾饺同菜苗饺. 大大只又热辣辣新蒸出黎, 皮好薄, 馅料又好足, D虾劲爽口弹牙, 真系好好味.菜苗饺就真系好多菜喺入面! 我地以为每人得两只, 但职员见我地食完之后, 又再问我地仲要唔要! 之后职员又系咁介绍我地饮佢地自家煲制既五花凉茶, 真系好清香, 重点系: 免费架!!! 又健康又好味又清热!!! 仲帮我地斟完又斟! 招呼好好! 等左一阵, 酸菜鱼煲黎架, 冇谂过原来真系咁大煲, 直头系用个
老实讲, 店舖装修比较地道, 讲得小店, 舖面自然讲不上大, 不过因为我地有小朋友, 所以职员已尽量安排一个较安全既位置俾我地. 坐低后, 大家就研究食乜野, 职员其实好殷勤咁向我地介绍佢地既食物. 仲带老爷出去睇其他客人食紧既鱼煲, 因为老爷系好鱼之人, 佢话个鱼煲好吸引好想叫....不过职员话因为要订, 同刚卖晒鱼....但职员 (我估系老板娘) 停左几秒后, 就话 : 我帮你谂掂佢! 估唔到佢系出去街巿即刻买鱼返黎整!
等食期间, 每位客人可免费享用呢笼点心. 有虾饺同菜苗饺. 大大只又热辣辣新蒸出黎, 皮好薄, 馅料又好足, D虾劲爽口弹牙, 真系好好味.
菜苗饺就真系好多菜喺入面! 我地以为每人得两只, 但职员见我地食完之后, 又再问我地仲要唔要!
之后职员又系咁介绍我地饮佢地自家煲制既五花凉茶, 真系好清香, 重点系: 免费架!!! 又健康又好味又清热!!! 仲帮我地斟完又斟! 招呼好好!
等左一阵, 酸菜鱼煲黎架, 冇谂过原来真系咁大煲, 直头系用个食盘菜既盘黎装住呢煲鱼煲, 好劲呀!!!!
入面真系劲好鱼, 好足料, 先唔好讲鱼住, 入面仲要有好多配料, 咸酸菜, 支竹, 萝卜, 就连粉肠都有呀! 里面有D鱼片, 鱼骨, 其中有D鱼系拎去煎炸过再落返煲架, 所以好香口! 味道都真系好好, 个汤超香浓, 真系忍唔住装埋黎饮! 成家人都食到舔晒脷! 呢个鱼煲我地都花左好长时间去KO佢, 因为仲有海鲜等紧我地!
鱼煲食到七七八八后就打边炉喇! 呢度既丸类全部手制, 水饺云吞都系自己包! 牛肉球, 鲮鱼球, 猪肉丸~~~ 所有手打丸都好弹牙
仲有一大碟鱼片, 串虾, D虾好鲜甜爽口
海鲜都好新鲜
真系实在太多野食, 直头唔洗再加𩠌! (其实职员问我地要唔要呢样, 要唔要果样, 搅到我地都唔好意思)
最后仲有桂花糕做甜品, 成餐真系好满足~
呢类既食店, 俾人感觉真系好有人情味, 佢地同客人边食边倾计, 又唔计较成本! 服务又贴心, 我应承左老板, 我会在Openrice上帮佢写上食评!
的而且确, 呢间小店值得推介!
张贴
