影片
更多
2019-02-23
259 浏览
适逢妈妈生日，所以带佢去食返餐。今次去咗位于九如坊既慢煮两餐，跟Google map喺上环站行过去，行咗大约十分钟，舖面唔难揾。餐厅主张厨师预约，根据客人口味度身订造菜式，所以需要提早预约。一坐低贴心既服务员为我地铺好餐巾，送上普洱雪菊茶，妈妈大赞好饮，不过由于我地系食晚饭，怕饮得太多夜晚会瞓唔着，所以都唔敢饮太多。可能因为慢煮关系，上菜需时，不过又唔算好耐。第一道菜：日式蒸水蛋食落感觉特别，不过味道少少偏咸，个人认为成碗捞埋一齐食会好味d，最终我都食哂成碗。第二道菜：煎焗青根鱼，平时屋企煎鱼会煎得比较脆，虽然佢地煎得唔脆但入口都好好味，好有家的感觉。第三道菜：绍菜炆虾米，除咗绍菜同虾米，仲有粉丝捞埋一齐，所有材料都切得好细，但系就非常有咬口，呢个我好钟意食！第四道菜：小辣羊肉锅，我本身食到少少辣，但系呢个我觉得好辣食唔到，所以留返俾先生食，我觉得唔应该叫小辣。第五道菜：酸梅酱蒸排骨，个人觉得都好味，不过较为普通，冇乜特别。第六道菜：豉油手撕鸡，呢个好好味，鸡肉好嫩滑又唔鞋口，而且鸡肉唔会太咸，不过因为太饱既关系我食咗少少就食唔落喇！虽然已经好饱，但食甜品系第二个胃，所以点咗牛奶布甸及
餐厅主张厨师预约，根据客人口味度身订造菜式，所以需要提早预约。
一坐低贴心既服务员为我地铺好餐巾，送上普洱雪菊茶，妈妈大赞好饮，不过由于我地系食晚饭，怕饮得太多夜晚会瞓唔着，所以都唔敢饮太多。
可能因为慢煮关系，上菜需时，不过又唔算好耐。
第一道菜：日式蒸水蛋
食落感觉特别，不过味道少少偏咸，个人认为成碗捞埋一齐食会好味d，最终我都食哂成碗。
第二道菜：煎焗青根鱼，平时屋企煎鱼会煎得比较脆，虽然佢地煎得唔脆但入口都好好味，好有家的感觉。
第三道菜：绍菜炆虾米，除咗绍菜同虾米，仲有粉丝捞埋一齐，所有材料都切得好细，但系就非常有咬口，呢个我好钟意食！
第四道菜：小辣羊肉锅，我本身食到少少辣，但系呢个我觉得好辣食唔到，所以留返俾先生食，我觉得唔应该叫小辣。
第五道菜：酸梅酱蒸排骨，个人觉得都好味，不过较为普通，冇乜特别。
第六道菜：豉油手撕鸡，呢个好好味，鸡肉好嫩滑又唔鞋口，而且鸡肉唔会太咸，不过因为太饱既关系我食咗少少就食唔落喇！
虽然已经好饱，但食甜品系第二个胃，所以点咗牛奶布甸及红豆沙大家一齐食。牛奶布甸好滑，奶味都浓，唔会好甜，都约好味。
食完牛奶布甸食红豆沙觉得冇味，饮啖水再食先好少少，不过都觉得唔甜，但好重果皮味。
整体而言，我觉得似住家私房菜，味道唔错，服务态度亦好好，不过价钱稍高，但喺中上环食饭，质素又要高，我觉得呢间都系唔错既选择！
张贴
