孖啡 (已結業)

👍🏻楼上 cafe，地点方便，近旺角家乐商场。唐楼真系有另一番味道，好欣赏佢个半圆形玻璃，黄昏时间去到，自然光射入一大片玻璃内，果一刻有城市中嘅绿洲嘅感觉，而且可以坐喺好舒服嘅卡位玩 board games。又可以望住旺角街景食嘢。晚上霓虹灯五光十色，旺角日与夜嘅街景真系好靓，好有怀旧feel。鱼柳意大利烘包鱼柳炸得好脆口，夹住又大片又厚身嘅青瓜同番茄，同好新鲜嘅沙律菜又，咬落去味道好丰富。而薯条都炸得好香口。整体分量都几大份。白酒忌廉煮蓝青口青口肉质唔错，而且好挂汁，白酒忌廉 好rich，虽然唔系好大只，但系数量有成一打心太软 配雪糕心太软 好流心，就咁食朱古力味香浓，配雪糕食另一番滋味。Hot Rose latte拉花同埋玫瑰花瓣装饰好靓，见到都用餐愉快。Latte 味道啱我、唔错。