農耕記 湖南土菜 (新寶廣場)

营业中

休息中

今日同个客人食饭，佢介绍去左呢间新开的餐厅食午饭，日本韩国泰国菜都成日食，湖南菜真系好少食，所以一于上去试下。上到去门口已经在好多特色攞设，入面嘅装修都很有农家味道，不愧是国内大型连所店。我地坐低后店员介绍左个二人套餐，唔使谂咁多就决定叫呢个套餐。首先上竟然系甜点 - 糖油粑粑，写系小份，但系有六大粒，味道甜糯，暖暖地，好好味。之后成个高压锅上枱，满满的红薯饭，两个人都唔知食唔食得哂。再来是鲍鱼辣椒炒肉，份量又是很足够，辣度我个人系接受到的，相当于X 仔的十少辣，用来配红薯饭一流。还有茶油土芹菜炒黄牛肉，看上去有很多辣椒，以为会劲辣，食左先发现一d 都唔辣，牛肉骚嫩，同样系下饭好菜式。终于明白点解锅饭要咁大，原来真系可以食得哂🤣仲有一个鱼汤白豆腐，豆腐软滑，完全冇石膏粉味，清新可口，咁又扒多两啖饭喇。套餐跟一杯招牌柠檬茶，原本仲想讲佢孤寒，黎到先知原来咁大杯。其实呢个应该系情侣套餐啰😏今餐真系食得好满足，返工食饭又多一个选择。