清溪川韓國配菜

营业中

休息中

呢间小店装修好有韩国既味道，铺面细细，得几张枱，墙边就贴满野食既相，同埋佢地既韩文名。老板娘系韩国人，落单都系用简单既中文同英文沟通。炒猪肉饭($50)佢用左椰菜、萝卜丝、洋葱去炒猪肉片，用左韩式辣酱去炒，但唔太辣，反而系甜甜地，而上面就撒左啲芝麻。佢既蔬菜都好新鲜同炒得好香，猪肉好淋同好JUICY；饭就用左珍珠米，软硬同湿度都岩岩好。成个饭份量都好足够，食到好饱！佢另外送埋泡菜同芽菜，两样都好好味，泡菜唔太辣，岩晒唔太食辣既我!虽然冇包野饮，但咁既份量同质素真系唔错！