黑木亭居酒屋 (金馬倫道)

今日同FD行街，FD话想食日本嘢，咁一定要试试黑木亭啦。哩间餐厅晚市好full，7点已经满咗，如果唔想等位要早啲book位啦。今次推出咗数款季节限定，好多都好吸引。蜜桃乌龙熊茶，熊熊好cute。饮落蜜桃味几重，乌龙茶底好香好清甜。蓝蝶花佛手柑熊茶，成杯嘢好靓，颜色渐变层次好明显。最底落咗大量柚子蜜，再加埋柑橘味嘅佛手柑茶，饮落好清爽。黑木亭原创—黑糖啤酒拉面2.0，哩个几得意，用咗啤酒杯装拉面，上面落咗大量cream。食落拉面冰凉清爽，好似食咁忌廉意粉，好啱夏天食。手羽鸡翼塔，睇到都O晒嘴，真系劲大一份。鸡翼表面炸到好脆口，内里仲暴晒汁水。鸡翼预先腌制过，唔洗点酱都好够味。三味铁板A5和牛鹅肝，今日主菜。A5和牛质素超高，用铁板做到5成熟左右，入口即化。鹅肝搭配埋苹果片同多士一齐食用，苹果清甜中和咗鹅肝肥腻，在加埋松脆多士，口感好丰富。