來佬餐館 (已結業)

上次系湾仔返工，朋友介绍我食呢间lunch，话环境好价钱又唔贵，试过一次真系唔错，就试吓佢个晚餐。先叫左个茉莉茶香烟熏白鸽胸沙律，感觉白鸽胸比鸭胸更滑，更有肉味，而沙律就好清新。焗原只带子伴薯蓉，想讲个摆盘超靓，喺沙滩嘅感觉，好好打卡，而且味道都相当唔错，估唔到个带子咁大只！意式泡沫黑松露野菌汤配炸豆腐串，呢个汤系我觉得全晚之中最好味嘅一道菜之一，首先真系好似杯野饮，热度好够，入边有粒粒蘑菇同黑松露，好香好浓郁，我将啲炸豆腐放入个汤度食，成件事又升华左。主菜方面，叫左烧西班牙橡果黑毛猪配苹果蓉，唔知点解我觉得好似牛，一样好浓肉味，唔似雪藏肉，好厚身，唔会un,而且配埋苹果蓉食，酸酸地好开胃，又解左油腻感。跟住叫左个酥皮蜜糖鹅肝烟鸭胸批，成个外表好似威灵顿牛扒，相信系用咗好多手工做成，切开完全唔会散，鹅肝亦比得相当大方，多重口感，觉得好好食！配埋杂莓酱令到无咁干身，配搭得几好！女仔有个甜品胃是真的，一口气叫左两个甜品，Tiramisu 味道不过不失，好浓酒味，值得一提系好似盆栽，几可乱真，打卡打卡！心太软配雪糕呢个配搭根本就冇得输，而且个流心相当完美，令到我呢餐都相当完美咁结束。