阿肥火鍋 (已結業)

第一印象呢间餐厅实在太靓太靓！八九十年代嘅设计做得好细致，作为一个餐厅，理应有啲位置点都走唔甩现代嘅感觉，但呢度完全无遗和感，连放酱油嘅位置都有好旧香港嘅感觉。食物质素都好好，「胡椒猪肚鸡汤」好岩依加凉凉地嘅天气，胡椒好暖身，入面竟然有半只鸡，净系食鸡都饱了！推介呢一款「猪朋好友」猪拼盘，每样部分都有少少，岩晒好似我地两个人来食，样样都试到。猪内脏都新鲜，无咩腥骚味。呢度啲丸类都好有心思，手打黑豚肉丸入面系咸蛋黄，将平平无奇嘅丸加分；芝士墨鱼丸够弹牙。总括阿肥火锅系近来我见过最有心思嘅火锅店，唔会因为装修靓，野食就唔掂，每方面都做得好平均，值得推介！