家素素食私房菜 (已結業)

观塘开咗间素食餐厅，我呢个钟意食素之人梗系去试吓啦。两个人夜晚book咗私房菜，今晚预算系三百元，二餐厅佢哋就有个套餐系＄250每人有六道菜。1，前菜冷盘小食黑豆，水果(火龙果，金色奇异果，蓝梅），面肋。选用嘅水果都几有心思而且营养价值都比较高，黑豆对于女性来讲都系好有益，面筋小小作左调味几开胃！2，顶级黄耳炖竹笙👍🏼👍🏼汤真系好想添饮，老板话佢哋下昼都有素食嘅午餐，到时嘅汤可以添饮佢哋都系冇落味精而且系自家制。开放式厨房可以见到老板喺度工作嘅环境，每一样野都整得非常整洁干净。而呢个汤味道非常之好饮之余，对身体仲非常好因为老板话佢好多胶质，对身体好好。3，法国素鹅肝拼鲜果👍🏼好少系出边食素鹅肝，别有一番风味而且都几特别，同本身嘅鹅肝有少少分别，味道冇咁油腻但系都几香口。4，自制素狮子头拼什蔬自制狮子头好好食甚至好食过平时系出边食嘅用肉做嘅，入边不但会有啲木耳所以有啲口感，而且又唔会太油。啱晒钟意食得健康嘅人，另外份量都几大粒，味道好出色。5，椰子油牛油果炒饭👍🏼椰子油炒饭比较少有，老板话因为椰子油比较健康， 所以选用左佢哋炒饭。6，上雪燕炖桃胶呢个热食嘅甜品都唔错，本身都几钟意食桃胶但