私房菜

营业中

休息中

呢排都系出边食多左快餐，想转下口味食d家常菜，就经朋友介绍揾左间私房菜约姊妹去食，真系唔揾都唔会发现有间私房菜系度，喺铜锣湾耀华街33号三楼楼上，食个饭都好有返屋企feel，初初入到去，见灯光温和，气氛优雅，都几warm，仲有好舒服既梳化添，最啱放工同姊妹relax倾计。跟著无几耐就上菜啦～第一味南瓜汤，加左d芫茜，松子做点缀。味道食落忌廉味好浓，南瓜忌廉配搭比例啱啱好番茄片，d皮都去埋，切得好均匀，清清地，几可口虾多士，同样有野菜系面头点缀，卖相OK，多士味扑鼻而香，口感软熟，三两下就食晒，仲想再食添韩松子沙律，蔬菜切得好均匀，沙律酱都够，青菜洗得好干净，好开胃蜜糖鸡扒，扒皮都好完整无烂，比d蜜糖去煎鸡皮都脆d，鸡扒份量适中木鱼鸭胸意粉，平时食开蕃茄肉酱意粉，今次呢个都几新鲜，木鱼鸭胸切丝，味道夹得黎又唔腻绿茶布丁，d绿茶粉铺满晒成个布丁，入口即溶私房菜既菜式都好岩我地口味，仲颇有创意，摆得好精致，环境系我地入门既第一好感，门面功夫做到足，服务态度都好好，比人感觉好close。又多左个谈天说地既好地方，值得再帮衬。