心意餐廳 (已結業)

拍拖纪念日男友订咗心意餐厅吃饭, 一入去餐厅, 侍应已经好有礼貌咁带我哋入坐, 之后又好细心咁介绍餐牌, 果阵其实已经有好多枱客, 我又问咗好多嘢, 佢哋都冇话觉得烦(真系要赞), 之后我哋叫咗一个烧春鸡餐, 一个羊柳海虎虾餐, 餐汤好好味, 最值得提既系餐包, 我哋有两款唔同既面包, 一个系有红色既粒粒系入面, 一个有葵花子系入面, 两个都好好食, 上枱时系热辣辣既, 唔加牛油都好好食(又要赞一赞), 烧春鸡同羊柳虎虾未上枱已经闻到香味(又要赞), 羊柳好嫩唔鞋, 虎虾我觉得唔够大只, 不过好好味, 唔会太熟啱啱好, 烧春鸡就系一大惊喜, 鸡皮唔油好香脆, 鸡肉一啲都唔鞋, 加埋个汁好好味, 甜品系tiramisu, 酒味唔会好浓啱晒我, 侍应介绍我哋可以转甜品, 我哋转咗个Souffle, 蛋白味好香又唔会太甜, 依家个个都咁注重健康, 佢哋既甜品好味得嚟唔会太甜真系好嘞(又赞一赞). 咁有心为人客健康著想又真材实料既餐厅, 一向唔写食评既我都要乎动下笔嘞...呀! 应该系揿下掣至啱...haha!