1+2 餐廳 (已結業)

今日一条友帮公司买完野,行到旺角本身想食拉面但见到呢间野新开,于是试一试,入到去职员好有礼貌,我一条友佢竟然俾张四人卡位我,十分感动,佢介绍我试下佢地既猪扒,我二话不说听佢讲叫左个猪扒餐,先黎杯咖啡都OK,同出面D茶餐厅差不多,再黎个忌廉汤,有忌廉但完全无咸味,要自己落盐,感觉有d奇怪,跟住main course到,有2大块猪扒,松化得黎唔系梅果种,但个蒜蓉汁浓左少少盖左d猪肉味,但d配菜十分有heart,有车厘茄,豆角,飞机菜,薯仔,矮瓜,几十蚊同你搞咁多野,我觉得厨房都几用心,另外仲有白饭跟,埋单80有找,旺角区黎讲算系几抵食,可能同佢位置有少少关系,下次揾多几个老友试埋佢d牛扒同其他野食先