Aroma Thai Food

营业中

休息中

最近发现原来太子汝洲街有好多特色美食小店。其中有间泰北面专门店见门口贴左好多介绍佢哋啲粉面 ，其中最吸引系招牌泰北金酱捞面。灵魂酱汁系自家制用上大量新鲜香草及香料手工研磨而成，有别于一般咖喱酱，再配上全蛋面好特别。店铺虽细小，但企理干净，有啲小摆设充满著泰国风味。用QR Code点餐好方便，好多选择，净系粉面都好多款，仲有其他小食。招牌金面必试，点左个泰北安格斯牛肋条金面有一只🌶️应该唔会好辣。金面食法有步骤，要先压碎球形炸面，再将秘制辣椒油，干葱，酸菜等配料加埋两种口感面捞埋一齐，软脆面挂满晒酱汁好丰富，而且辣道适中。牛肋骨亦好腍身。泰式烤猪颈肉簿切爽脆，点埋鱼露够惹味小食拼盘有炸鱼饼、簿脆虾饼、泰北香肠、炸猪皮、仲有泰式炸鸡。其中最钟意系泰北香肠香茅味浓郁，仲有炸猪皮脆口到食唔停。