燒烤堂 (已搬遷) 新店位置

串烧店喺香港都食咗好几间，有大陆嘅辣串烧同埋日本串烧都食唔少！但呢间我就觉得好特别！值得推介🤤🤤🤤酱汁方面佢唔会好似其他串烧店咁净系有大陆嘅麻辣或者日式嘅串烧店只有日本嘅串烧汁☺️满足到你唔同嘅需要👍🏼而且佢有好多唔同嘅特色串烧😍鸡皮墨麦鱼滑呢个好好食！如果鸡皮再脆d就仲正啦！佢嘅蒜蓉包都比到我好大嘅惊喜😬😬平时通常系用法包嘅，而佢嘅面包好特别！入边系软身啦！而且会有好大粒嘅芝士粒！而个包边仲好脆！劲好食！我哋食完个蒜蓉包之后再返嗌咗个柠蜜面包👍🏼👍🏼呢个劲好味好特别而且大大块牛油虽然好肥但系真系好吸引👍🏼猪颈肉方面烧得juice而且仲有个猪颈肉酱汁辣辣地好惹味！呢个都系一定要试！虽然睇价钱见到牛仔骨百几蚊都唔平但系真系好想试！原来系劲大份！仲有其他配菜俾你包嚟食！值得啊！依家写食评睇返啲相都流晒口水一定会好快再帮衬🤩🤩