高。牽心 (已結業)

喺网上见到有优惠，就二话不说买咗团购券，帮衬呢间社会企业餐厅。我哋买嘅团购券系包埋一啲体验活动，就系可以感受一下聋人嘅生活。我哋都觉得好有意思，所以好期待去呢间餐厅。不过地点比较远，佢喺红磡火车站上面嘅商场，对于住港岛区嘅我哋，就唔系太方便。一去到，侍应就好热情咁用手语去招呼我哋，个经理仲好Nice ,教咗我哋好多手语，例如用手语去点餐，话比侍应听我哋想食咩嘢，呢个系一个好好嘅体验活动，令我哋都有机会可以用手语同听障侍应沟通。啲侍应好可爱好得意，佢哋都好热心去教我地手语，同埋分享佢哋系社会面对嘅挑战，所以我哋今餐饭真系学左好多野！令我更加关注听障人士嘅需要。至于食方面，我哋叫左鱼生芝士苹果醋饭（寿司）同埋烤猪手，我觉得啲鱼生都算几新鲜，配埋苹果醋饭一齐食，味道都几特别，仲要大大件，食完好饱！不过对于重口嘅我黎讲，我就觉得味道淡左啲。而猪手好脆，都算入味，不过干咗小小，配上酱汁食，就会好啲。