金樂軒雞煲魚鍋

营业中

休息中

约左好耐既朋友终于得闲啦，不过得6-9pm得闲啰，所以近近地去佢屋企附近食dinner。佢介绍左一间食鸡煲既餐厅，话小菜同鸡煲都唔错，可以一试。我地六点几到，好彩唔洗排队，见到门外有几张凳，应该夜啲就会好多人。店舖虽然唔系好大，但有好多食物选择，小菜同打边炉都有。我见到水煮鱼好想食，不过朋友唔食鱼架，所以唯有下次约第二个去！我地叫左一个鸡煲同椒盐猪手。个鸡煲有超多我至爱既芫荽，好香呀！同鸡仲好夹好好味添。豆腐卜同冬菇都好入味，𩠌白饭一流。不过越食越辣，越食越咸，最后食唔晒豆卜⋯蒜香椒盐猪手好有惊喜，猪手外脆内软，蒜香味浓，加上佢一啲都唔油腻，食多几件都得。椒盐同猪手既配搭真系好新鲜，在其他餐厅好少见。我见隔离枱有人打边炉，牛肉好似好好食，我下次都要试下先。