影片
更多
2018-08-08
61 浏览
咁啱上次系同一栋大厦食过第二间餐厅, 见到有间日本餐厅好似几吸引, 就决定同朋友嚟试吓。上网睇过佢地主打fusion日本菜, 入到黎餐厅见到装修都好modern,但系亦都保留住一啲日式元素。一坐低见到佢有个季节限定meun， 就即刻睇下有咩食。见到有个梅子鳢鱼天妇罗，听讲系日本夏天当造既鱼，就决定叫黎试下。黎到一碟有四件鳢鱼，一件冬菇，一件番薯，一件青椒同一件茄子。天妇罗无令我地失望，炸浆薄，脆而不油腻。鳢鱼卷住梅子酱黎炸，沾少量岩盐，酸味味，肉质爽，非常之开胃。之后就嚟咗日本黑毛和牛，厚切加上五成熟，成个卖相都非常之讨好。牛扒亦都有唔同调味料，随自己喜好选择。有着烧汁，岩盐同Wasabi，萝卜蓉，青柠。最令我惊喜就系一个用鳀鱼，橄榄同菇整既酱，鳀鱼嘅咸香同橄榄嘅香味同牛扒非常配合。味噌烧蚝都唔错，有足够海水味，个酱主要有味噌同沙律酱，加上芝士烧，非常惹味。到咗我朋友最期待嘅海胆忌廉意粉，一坐低嘅时候，餐厅经理已经同我地讲厨师做过西餐，大力推介呢度嘅意粉，果然冇令我地失望。我哋一路食一路见到d海胆碎，相信厨师已经将海胆打成汁都，所以成个意粉海胆味好香浓。意粉亦都用咗两种香菇去煮，所以一
一坐低见到佢有个季节限定meun， 就即刻睇下有咩食。见到有个梅子鳢鱼天妇罗，听讲系日本夏天当造既鱼，就决定叫黎试下。黎到一碟有四件鳢鱼，一件冬菇，一件番薯，一件青椒同一件茄子。天妇罗无令我地失望，炸浆薄，脆而不油腻。鳢鱼卷住梅子酱黎炸，沾少量岩盐，酸味味，肉质爽，非常之开胃。
之后就嚟咗日本黑毛和牛，厚切加上五成熟，成个卖相都非常之讨好。牛扒亦都有唔同调味料，随自己喜好选择。有着烧汁，岩盐同Wasabi，萝卜蓉，青柠。最令我惊喜就系一个用鳀鱼，橄榄同菇整既酱，鳀鱼嘅咸香同橄榄嘅香味同牛扒非常配合。
味噌烧蚝都唔错，有足够海水味，个酱主要有味噌同沙律酱，加上芝士烧，非常惹味。
到咗我朋友最期待嘅海胆忌廉意粉，一坐低嘅时候，餐厅经理已经同我地讲厨师做过西餐，大力推介呢度嘅意粉，果然冇令我地失望。我哋一路食一路见到d海胆碎，相信厨师已经将海胆打成汁都，所以成个意粉海胆味好香浓。意粉亦都用咗两种香菇去煮，所以一路食亦有菇嘅香味。我朋友非常之钟意呢个意粉，虽然饱都自己清左一大半。
最后嚟咗呢间餐厅主打嘅蒸饭，我哋就决定试吓蒸寿司。饭上嘅材料都几丰富，有熟虾、鳗鱼、白饭鱼、海胆、松叶蟹、带子、鲭鱼同香菇。成个饭清清地，有海鲜味，食落唔会太滞。我同朋友分黎食，好快将成个饭食晒。
本来仲想食甜品，但实在太饱啦，唯有下次再嚟过。心思思想下次再食牛扒同试吓其他意粉。
张贴
