Chalet (已結業)

是日餐汤粟米忌廉浓汤，口感顺滑粟米味道清甜，而餐包好松软香脆，单食食得出好重牛油香，沾埋汤更一流。前菜半熟吞拿鱼配三文鱼籽，略煎过既吞拿鱼，鱼肉质地依然幼嫩，加埋三文鱼籽既鲜味一齐食份外咸香。另加HK$58可以升级简另一款前菜鲜海胆樱花虾慕斯。 主菜我地叫左美式烧烤酱猪肋骨配薯条火箭菜沙律猪肋骨并排系到，浓郁既烧烤酱布满每一条，见到都觉得好吸引，非常易切，可以轻易咁用刀切开成条，配上带点苦涩既火箭菜，夹搭黎食都几岩味。 法式半熟鸭胸配鳀鱼 半熟鸭胸都几大件，口感软滑，煎起黎都keep到肉质够嫩，有咸香味。甜品系面包布丁，质感好丰满，味道较为淡有淡淡布甸味，蛋味唔太浓都唔会太甜，卖相唔错面层仲加上朱古力酱同糖霜，好饱呎又丰富既一餐，同朋友约黎食饭一流。