Home Sweet Home (已結業)

每日返工放工咁单调，唯一可以令我有动力既就系放工食好野！今次拣左间位于太子既西餐厅，叫「home sweet home」，一入到去，果然店如其名，每张台都有朵玫瑰同埋蜡烛，再配合幽暗既灯光同埋浪漫既音乐，果然系sweet home！讲返食物先，佢既set都会有份前菜，分别系「黑鱼子蟹肉他他」、「海鲜酥皮小盒」同埋「龙虾菠菜汤」，三样都小巧玲珑，又精致又好食！至于主食方面，我地先黎一个「澳洲和牛牛柳。芝士烤波士顿龙虾」，牛柳叫左七成熟，黎到切开就知系顶级，肉嫩多汁，每啖都值得细味！而龙虾都好有鲜味，所以就算Ｄ壳几难拆都唔好浪费每一小撮肉！另外仲叫左一个套餐「香煎挪威三文鱼。烧原只虎虾」份三文鱼鲜甜肉厚，虎虾都系啖啖肉，同埋有好多薯菜伴碟，一定够饱！之后就系甜品啦！系朱古力心太软！一刀轻轻切下，入面既朱古力就应声流出，食落去甜到漏呀！最后要介绍饮品，分别叫左杯「洛神花苹果蜜」同埋「莫希托」。前者有盏红色灯系杯野饮入面，好梦幻！杯饮品酸酸甜甜好开胃！而「莫希托」系柠檬混入香茅既特色饮品，几得意！