薄荷葉泰國菜

营业中

休息中

我好钟意餐厅既环境同气氛，有D似bar，有个大screen播mv，间餐厅d音乐都几好听，夜晚黎既话几浪漫，适合一边饮野一边倾计，可以慢慢坐。我同朋友两个人黎，每人嗌左杯野饮：士多啤梨特饮，卖相好靓，好钟意个颜色，朋友话饮到最后淡左d，建议叫少冰。石榴特饮，卖相都好吸引，几大杯，味道特别。我地嗌左三样野食，够晒饱！马拉盏炒通菜，都几大碟，好钟意d马拉盏，好入味，ｄ通菜都几嫩，唔会un，我食到停唔到口。纸米卷，一碟有八旧，里面系烟三文鱼，都几特别，点下ｄ醋好开胃。虾酱炒饭，呢个系呢餐既重头菜，除左个卖相超岩打卡外，仲大碟夹好食。有一块块既魔鬼鱼片，要我地用手撕开放落饭度食，餐厅会比埋湿纸巾抹手。仲有d叶，（唔记得左叫咩名， 好似系茴香）， meet 开d叶加落个饭落，会有一 种好fresh既味，不过个味几特别，受到先好落，我个人黎讲就几钟意。整体黎讲好满意，因为真系好味道同埋环境好，令我过左个好relaxed既晚上。