孖寶去骨海南雞 (又新街)

营业中

休息中

星期日下昼再次嚟到呢间朋友介绍的餐厅食海南鸡饭，要左个大嘅海南鸡饭配油饭外加冻豆浆。个饭跟一碗南瓜鸡脚汤，如果好彩汤入面会跟一只鸡脚。个汤饮落好好味，南瓜味浓，用料足，饮落无味精。海南鸡饭卖相好吸引，嫩滑嘅鸡肉下面配有芽菜。鸡肉食落有鸡味，肉质好嫩滑，油饭够味得嚟又唔会太湿或太油，个餐会带有三个酱畀你点嚟食，分别系姜蓉、甜豉油同甜酸酱，三个酱都同鸡肉好夹，我通常会食匀三个酱。个餐食落唔觉有味精，食完唔会口干。总括嚟讲50几蚊可以食到咁优质嘅海南鸡饭我就好满意了！