料理処:森 (已易手)

之前有朋友介绍话呢间新派日本菜啲刺身同天妇罗好出色，今晚终于有机会试一试豪食一番。装修果然有气派，好高楼底仲有啲好有格调嘅吊灯。经朋友帮手订位，可以坐到鱼生Bar枱，感觉好正。坐低左之后侍应就俾左个Menu我睇，之前朋友讲过可以讲低Budget叫师父帮手点菜，我就梗系老实不客气话要刺身寿司同天妇罗，预算700左右啦，之前朋友话呢个价食到好多好野！先黎渍物同沙律，酸酸甜甜好开胃鱼生师父就准备左一个刺身碟放左系我个位前面开始上刺身可以近距离睇住师父为自己切鱼生，仲可以问佢野添，真系第一次刺身系一件一件咁上，食晒师父先会再切俾我。刺身：金线鲷，平鲷，油真鲷，笛吹，北海道甜虾，慈鱼，老翁，Toro寿司：赤背寿司，烧左口鱼寿司，北海道盐水海胆寿司，烧和牛寿司刺身寿司上完，侍应就送上雪芭同天妇罗酱料，有海盐同柚子盐天妇罗都系一件一件上。虾天妇罗，有埋虾脚卜卜脆好得意，仲有烧海鳗(穴子)天妇罗同姬小鲷天妇罗食到呢味已经开始饱，好在师父话够的话可以叫停最后点都要试埋朋友推介嘅炸虾饼饭有生果或雪榚做甜品朋友无讲错，呢道食野同出面有啲唔同，食物出色之余仲感受到师父好有Heart，好有水准，一定要再黎。