Cambo ขุนทอง (The ONE)

营业中

休息中

系尖沙咀收工又想食泰国野，特别系生虾，朋友介绍下就黎左the one 4楼既cambo。环境: 成间铺环境唔算特别大，但亦唔会太迫。枱面同餐具都十分清洁，一d油积同食物积都冇。店内环境以暗光情调为主，好有浪漫既感觉。服务: 呢间cambo的服务质素要特别赞一下，所有店员都好有礼貌，上菜时间可以用奇速黎形容，真系做到宾至如归既感觉。食物: 半打串烧沙嗲，3牛3鸡，我推荐牛肉串，好多肉，炭香十足，放耐左亦唔会硬哂。相反鸡一开始非常香口，但放耐左会有少少出现干干地既情况，所以串烧亲热食是常识吧。泰式活虾刺身 一开始以为得7只，原来中间都仲有1只， 一共八只。生虎虾好新鲜好好味，佢既汁一开始已经帮你加好哂落去，唔洗自己点，个人觉得汁调得几好，甜同酸比例岩岩好，唯一要留意佢真系好辣，唔系好食得辣既人要自己泼开d辣椒粒。椰菜苗 (蒜蓉炒) 味道好好，超香蒜味，佢用成粒蒜咁炒，亦落得唔多油，好健康。泰式炒粉 味道调得好好，油亦唔多，酱汁方面比较易食得出茄汁味，粉方面好有咬口，师傅炒得好均匀，唔会太干或太湿，感觉好高质。