熨烤達人 (已結業)

前几日同两位朋友约食饭，大家都话想食韩烧，出面食既韩烧又贵份量又少，所以平时都好少食，朋友话熨烤达人唔错，于是就去试下啦。一入到铺头店员已经好好礼貌咁招呼我地，坐低睇Menu既时候已经流哂口水，于是我地就叫左一个烧肉Set同埋一份芝士炸鸡，个Set有五花肉、牛肩胛、一口雪花牛、猪皮同埋西冷。一开始店员会帮我地烧旧五花肉，因为太大旧啦，可能惊我地唔识处理，最有趣既就系有块类似熨斗既东西压住旧肉黎烧。我最唔中意D只系得脂肪既五花肉，但呢度肉系多过腩，肥瘦适中，唔会太过肥腻或太过干憎憎，食落好香。身为牛魔王既我点会唔品尝牛肉呢？牛柳粒比较易认出，我唔识分边只系肩胛边只系西冷，我只知道两个字，好食！烧完既牛好香，仲好食过系日本食既牛肉。猪皮烧完出黎外脆内软，烟烟韧韧。店完见到我地烧得论尽会帮我地烧，仲会主动帮我地添锅边蛋同配菜。到最后食哂烧肉先上芝士炸鸡，原来黎到都要烧一烧，等D芝士同忌廉可以混埋一齐，方便D食，痴满忌廉、芝士同茄酱既炸鸡真系好好咪，炸鸡唔系用一般既粉浆，出面系有D脆片，食落好好味同埋几特别。整体黎讲野食好正，环境坐得好舒服，价钱都十分经济。