小包包 (Fashion Walk)

营业中

休息中

我谂应该好多人都食过佢地嘅雪糕包，之前系中环食过一次，而家铜锣湾开左仍店仲方便，呢到室外环境好靓。炸鸡脆脆炸鸡外脆内多汁，鸡肉嫩滑唔干。墨西哥炸云吞新鲜炸起脆卜卜，加左苹果粒味道酸酸甜甜几好味。凯撒沙律同我地平时食嘅凯撒沙律有少少唔同，有椰菜有生菜，新鲜爽脆，有虾干，干蒜，味道咸咸地，加上酱汁唔会过多，恰到好处。黑松露薯条薯条新鲜炸起，热辣辣脆卜卜，加左黑松露味道香浓，上面仲有腌萝卜，酸酸甜甜解下腻。鱼包2.0鱼柳好大块，炸到外脆内软，咬落好juicy，炸粉唔厚，加上芝士味道好浓，酱汁好味，个包超级松软。