影片
更多
2022-07-27
132 浏览
上年知道元朗广场附近开咗呢间土耳其菜嘅小店之后，一直都想揾个机会去试下，因为从未食过土耳其菜，好难得今晚终于有机会嚟试食。我哋系大约八点十分左右入座，当时舖入面未满座，可以任拣坐边。我哋拣个靓位，可以望到成个餐厅环境，我觉得呢间店啲装修真系好靓好有特色，一抬头仲可以见到上面有闪闪发光嘅土耳其吊灯添！侍应识讲广东话，都会讲英文，落单嘅时候系用英文点菜， 我哋睇餐牌都拣咗一阵，先决定到食咩，因为见到有好多特色小菜，样样都想食， 最后叫咗4样𩠌～个餐牌我觉得好靓好中意同餐厅门面＆啲装修一样，充满晒土耳其特色。佢个餐牌颜色系蓝mix紫，封面印有一望就会谂起系土耳其依个地方嘅城堡呢个沙律个名好特别，叫做浮云沙律。有好多菜啦，青瓜，蕃茄仔等等，仲有一啲类似脆脆嘅嘢，沙津上面本身已经有好多酱汁，侍应仲另开畀咗三支唔同颜色嘅酱汁畀我哋调味。个沙律食落好清新呀，啲菜好新鲜好爽脆，食到嗦嗦声。味道酸酸甜甜，而且仲有少少辣，食完即刻劲开胃好吊瘾！重点系佢份量真系好多！呢个碗好深，我哋两个都食唔晒啲沙律啰因为我怕辣，所以专诚叫咗杯解辣嘅饮品，呢杯系薄荷茶。下面绿色部分系薄荷，饮落劲清凉，即时解到辣兼非常消暑！
侍应识讲广东话，都会讲英文，落单嘅时候系用英文点菜， 我哋睇餐牌都拣咗一阵，先决定到食咩，因为见到有好多特色小菜，样样都想食， 最后叫咗4样𩠌～
个餐牌我觉得好靓好中意
同餐厅门面＆啲装修一样，充满晒土耳其特色。佢个餐牌颜色系蓝mix紫，封面印有一望就会谂起系土耳其依个地方嘅城堡
呢个沙律个名好特别，叫做浮云沙律。
有好多菜啦，青瓜，蕃茄仔等等，
仲有一啲类似脆脆嘅嘢，沙津上面本身已经有好多酱汁，侍应仲另开畀咗三支唔同颜色嘅酱汁畀我哋调味。个沙律食落好清新呀，啲菜好新鲜好爽脆，食到嗦嗦声。味道酸酸甜甜，而且仲有少少辣，食完即刻劲开胃好吊瘾！
重点系佢份量真系好多！呢个碗好深，我哋两个都食唔晒啲沙律啰
因为我怕辣，所以专诚叫咗杯解辣嘅饮品，呢杯系薄荷茶。下面绿色部分系薄荷，饮落劲清凉，即时解到辣兼非常消暑！加上我见依杯嘢嘅颜色好靓咁，影相打卡够晒靓靓，有黄色＆绿色，望落已经好夏天feel好清新，我都畀推介依杯饮品，怕辣嘅人大家不妨一试
跟住呢个系烤野鸡肉卷饼，用锡纸包住啲肉卷等佢keep住热度唔会咁快冻。呢个真系要趁热食啦！冻咗嘅话就冇咁好味。重点嚟啦！佢嘅份量又系好鬼大份，都冇谂过呢个鸡肉卷会咁大份，食咗3分2已经饱饱地！鸡肉卷入面有好多椰菜，包住好多鸡肉块，啲汁系咁滴出嚟，包住d肉卷嘅皮又整得烟烟靭靭，咬落口感好creamy，感觉好似食紧薄饼咁，而且佢啲皮薄得黎又唔易穿，有少少㶶㶶哋好香口， 名副其实嘅皮薄馅靓。鸡肉卷入面仲有啲 应该系土耳其特色嘅香料酱汁，食落令到成个卷好惹味好香呀！
呢个叫做～草原牛肉水稻饭
啲牛肉细细粒，切成一条一条，上面洒咗好多味道好重嘅香料粉，令到d牛肉好惹味，食完一嚿会想食第二嚿。我就系咁夹啲牛肉嚟食，直情连饭都唔想食啦哈哈，不过捞埋饭食嘅话其实就刚刚好，因为佢始终比较偏浓味，太重味道嘅话食返啲白饭会好点。另外上面仲淋左一啲类似沙律酱咁嘅酱汁，我觉得就可以中和返少少比较浓味嘅香料粉啦～
最后就到依道 松化咖哩角
食落真系好松化，好脆卜卜，咬落去入面啲馅就热辣辣，而且啲咖哩多到系咁跌出嚟， 佢啲土耳其特色香料，令到入面啲馅真系好香好引人继续食落去，呢个咖哩角系辣嘅，但佢辣得嚟又唔会过份地辣到食唔到。同之前几道𩠌都一样，又系好大份！呢间餐厅嘅特色 系每样菜式嘅份量都好大份，真系唔使惊食唔饱人
我哋叫咗咁多食物，埋单加埋一，都只系300蚊多ddddd咋！个人认为性价比十分之高！食物有水准、有特色！真系好抵食，下次再来试下佢其他菜式先
张贴
