平成 (已結業)

好耐冇去过棉登径，今日同朋友收早经过这间居酒屋，感觉十分亲切，可能太挂住日本了，梗系要入去试下啦！店内地方不算太大，装修布置都几有特色，由于时间尚早，我哋就叫了一支清酒及一些日式地道 食物。这款清酒容易入口，感觉柔和及易饮，而且微酸香气以及果香味馥郁。呢度都几讲究，店员准备了一盒清酒杯畀我哋选择，店员巳准备冰冻清酒器皿盛上，入口透心凉！木鱼紫菜蛋黄酱放在大阪烧上面，牛肉唔会太老 ，入口松化， 大阪烧煎得十分香脆。腌后仍保留鲜味，不会过咸，入口爽口，用嚟送 清酒就最啱！清淡嘅豆腐配上木鱼酱油加少少姜味，入口又几清新。麻雀虽小，五脏俱全！芝士、蟹肉同埋蟹膏填满成个松叶蟹盖，食落口不但唔会太腻，反而食出有唔同层次嘅味道！芝士味十分浓郁，芝士迷必然首选，加上面头放咗细细嘅葱花，上枱热辣辣，要小心辣亲。