農耕記 湖南土菜 (新寶廣場)

营业中

休息中

之前同老公返大陆都时不时见到呢间餐厅，不过因为我哋成日都会选择去打边炉，所以经过咗咁多次都冇试过~ 咁啱见到近来佢响香港一次过开咗好多间分店，而我哋响附近都谂唔到有咩食，虽然我哋完全唔知湖南土菜系食乜嘢，不过一于试吓啦~ 一上到去发觉成个感觉好似返咗大陆咁，餐厅由侍应去到客人都系讲普通话，我哋都谂应该非常之正宗由于都冇乜idea要食乜，我地就叫店员推荐吓，佢就推荐我哋点呢几个时令菜~ 食完之后发觉虽然湖南同广东好近，但系食嘅嘢真系完全唔同，唔少都系用腊肉做嘅食材，如果钟意食腊味嘅人应该会几开心~ 而我哋觉得最特别嘅就系香椿炒鸡蛋，虽然我哋食完都唔知香椿系咩嚟(类似菜咁) 不过整体嘅味道都几温和讨好，其他𩠌嘅味都系偏浓偏咸同辣，送饭一流所以夹一碟清清地嘅嘢就啱晒啦~ 总括嚟讲都系一个唔错嘅体验，因为我哋都系第一次食农家菜