大滾友火鍋 (紅棉大廈)

营业中

休息中

今晚涷涷地紧系打边炉啦，今次就黎呢间食，佢地d火锅汤底同火锅料都几有特色，都几好味。半只花胶鸡 汤底劲大锅，鸡同花胶份量都几足料，虽然系半只鸡，但份量都唔少，花胶都好大只，好厚肉，先饮鸡汤，后打边炉，个汤非常浓郁，真系真材实料。牛肉拼盘(细)分别有几款唔同部位嘅牛，牛肉嘅脂肪好均匀，好靓嘅雪花纹，食落都好嫩，好重牛味，唔错。金屋藏娇和牛墨鱼丸包有咸蛋黄嘅墨鱼丸，再包有一粒和牛，味道咸咸香香，又几特别。伊比利亚橡果猪猪肉嘅肉质一d都唔鞋，好嫩，肥瘦适中，食落有少少橡果香味，好味大滚友响铃拼盘呢个拼盘有2款，响铃炸到好香脆，即叫即炸，另一款系面头有咸蛋黄包住，又几惹味。大滚友杂菜拼盘每款菜都几新鲜，用黎吸汤汁，非常唔错。竹蔗茅根一渣唔算太甜，饮落好清甜，好清香嘅竹蔗同马蹄味，正火焰焦糖豆腐花原桶豆腐花，店员淋上酒，点火，非常有视觉效果，好吸睛，豆腐花面有一层焦脆糖衣，下面就系滑嘟嘟嘅豆腐，加上少少酒味，好正。