貴德宮私房素宴

营业中

休息中

朋友今日带我黎呢间素菜私房菜，菜式都好别致，每款菜式都好好味。如意卷千色拼盘呢个拼盘款式都几多，有寿司卷，熏蹄，有粉皮同青瓜丝，个味道都唔错，最特别系熏蹄，真系好似肉嘅质地。杏汁海胆豆腐好香浓嘅杏汁，嫩滑嘅豆腐加上南瓜蓉，个味道非常夹。黄金绣球食落好松脆，唔会太油腻，入面嘅仿肉都好淋滑，唔错有机蘑菇芝堡非常有创意，用蘑菇做汉堡，夹住青瓜，蕃茄，食落好清新。药膳翡翠包药材味非常浓，个椰菜包非常鲜甜，加埋入面有冬菇，粉丝，素肉，食落好丰富，好味姬松茸雪梨养生汤呢个汤都非常足料，饮落个汤好浓郁嘅姬松茸嘅味道，感觉好滋补。蟠桃花锦绣配藜麦饭有卜卜脆嘅斋鸡粒，有狮子狗卷，有露荀，有桃，个味道似咕噜肉，酸酸甜甜，好开胃玩埋烟烟韧韧嘅藜麦饭，正。椰香咖喱素杂锦配黄油法包个咖喱劲香，唔算太辣，有椰菜花，仿鱼旦，仿肉丸，薯仔，d鱼旦肉丸好弹牙，用法包点咖喱一流。虫草花油扬扒菜苗d菜苗好嫩，食煮得好淋滑，仲有大量虫草花油扬，非常好食。石榴桃粒果涷果涷嘅质感好烟韧，带有酸甜嘅味道，晶莹剔透，好睇又好食鲜磨合桃露合桃露好creamy,好幼滑，唔算太甜，好香合桃味，好味。