Thai Hungry (已結業)

红磡呢面不嬲都有好多好野食，不过呢间新开既泰国野细铺一直吸引住我，其实呢d细铺都好有特色，呢种铺头卖既食物我通常都觉得比起可以坐低食既大铺更加出色，好有去到泰国果d街边档既味道。见到佢系泰国人开既应该都唔会差，所以我今日忍唔住就买左返屋企食，果然无论款式同味道都真系好特别，好值得一试。首先呢个鬼汁已经好特别，其他地方好少机会食到，佢有烧肉，猪杂，鹌鹑蛋，肉饼等等，𩠌既款式都几多份量都唔少，汤底味道好特别，好有泰式既味道，粿粉又系好特别，好出色值得一试。之后叫左5串串烧，其中有个泰北肠有少少酸酸地既味道，好正好特别，烧腩肉皮脆肉嫩，牛肉都好重牛味，鸡肾牛筋丸都唔错，最正系佢个酱真系好好味。最另我有惊喜既系烧卖，个肉好好味，个汁又系非常特别，未食过咁好食既烧卖。呢间thai hungry一定要再食。